Empty Ad
Empty Ad
AFC Banner

සුනාමිය ගැන කලින්ම දැනුවත් කරන මොබයිල් ඇප් එකක් හෙට සිට

මෙරට ඉතිහාසයේ සිදු වූ දරුණුතම ස්වභාවික ආපදාව ලෙස සැලකෙන සුනාමි ඛේදවාචකය සිදු වී හෙට (26) දිනට වසර 19ක් ගතවනවා.

හෙටට යෙදෙන සුනාමි සැමරුම වෙනුවෙන් ජාතික වශයෙන් සහ දිස්ත්‍රික් මට්ටමින් වැඩසටහන් රැසක් සංවිධානය කර ඇති බවයි ආපදා කළමනාකරණ මධ්‍යස්ථානයේ අධ්‍යක්ෂ ජෙනරාල් සුදන්ත රණසිංහ පැවසුවේ.

ඒ, අනුව එම සැමරුමට සමගාමීව සුනාමි අනතුරු ඇඟවීම් දැනුම්දීමේ විශේෂ දුරකථන නාදමාලාවක් හඳුන්වාදීමට නියමිත බවයි අධ්‍යක්ෂ ජෙනරාල්වරයා පැවසුවේ.

සියලුම දුරකථන සමාගම් එක්ව මෙම විශේෂිත වැඩපිළිවෙල හඳුන්වා දෙන බව සඳහන් කළ ඔහු, සුනාමි උවදුරට ගොඳුරු වූ දිස්ත්‍රික්ක 14ක ජනතාව වෙනුවෙන් මෙම විශේෂිත වැඩපිළිවෙල මූලික වශයෙන් හඳුන්වා දෙන බවයි සඳහන් කළේ.

ඒ, අනුව හෙට (26) දිනයේ සිට මෙම දුරකථන ඇප්ලිකේෂනය (APP) දුරකථනවලට භාගත කිරීමේ අවස්ථාව ලබාදෙන බව ද ආපදා කළමනාකරණ මධ්‍යස්ථානයේ අධ්‍යක්ෂ ජෙනරාල්වරයා පැවසුවා.

මේ අතර සීමිත දුරකථන සංඛ්‍යාවකට මෙම ඇප්ලිකේෂනය මේ වනවිටත් භාගත කිරීමට අවස්ථාව සලසා දී ඇති බව සඳහන් කළ ඔහු , එම දුරකථන සඳහා පෙරහුරුවක් ලෙස හෙට (26) දින පෙරවරු 10.00ත් 10.30ත් අතර කාලය තුළ අදාළ අනතුරු ඇඟවීමේ නාදමාලාව නිකුත් කරන බව වැඩිදුරටත් සඳහන් කළා.

ඔබේ ප්‍රතිචාරය කුමක්ද ?
+1
2
+1
0
+1
2
+1
0
+1
2
+1
0
+1
1
Subscribe
Notify of
0 Comments
Oldest
Newest Most Voted
Inline Feedbacks
සියලු ප්‍රතිචාර බලන්න !

?