අනුරාධපුර – පුත්තලම ප්‍රධාන මාර්ගයේ රාජාංගණය ප්‍රදේශයේ දී සිදු වූ රිය අනතුරකින් කුඩා දරුවෙක් ජීවිතක්ෂයට පත්ව තිබෙනවා.
ඊයේ (05) රාත්‍රියේ සිදු වූ මෙම අනතුරින් මියගොස් ඇත්තේ හලාවත, වැලිහේන ප්‍රදේශයේ පදිංචිව සිටි වයස අවුරුදු 12ක පිරිමි ළමයෙක්.
අනුරාධපුර සිට පුත්තලම දෙසට ධාවනය වූ ත්‍රිරෝද රථයක් සුනඛයෙකුගේ ගැටීමට වැළක්වීමට යාමේ දී ත්‍රිරෝද රථය පෙරළී ඉදිරියට ඇදී ගොස් ඉදිරියෙන් පැමිණි බස් රථයක ගැටී මෙම අනතුර සිදුව තිබෙනවා.
එහිදී ත්‍රිරෝද රථයේ පිටුපස අසුනේ ගමන් ගත් ළමයා බරපතල තුවාල ලබා නොච්චියාගම රෝහලට ඇතුළත් කිරීමේ දී මියගොස් ඇති බවයි පොලිසිය සඳහන් කළේ.
ත්‍රිරෝද රථයේ රියදුරු වැඩිදුර ප්‍රතිකාර සඳහා අනුරාධපුර රෝහලට ඇතුළත් කර ඇති බවයි වාර්තා වන්නේ.
අනතුර සම්බන්ධයෙන් රාජාංගණය පොලිසිය වැඩිදුර විමර්ශන පවත්වනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
