අ.පො.ස සාමාන්ය පෙළ විභාගයේ ඉංග්රීසි භාෂා ප්රශ්න පත්රය වට්ස්ඇප් සමාජ මාධ්ය හරහා සංසරණය වීම සම්බන්ධයෙන් හසලක ප්රදේශයේ ඉංග්රීසි භාෂාව ඉගැන්වීම් කටයුතු කරන උපකාරක පංති ගුරුවරයාගේ සහ ඔහුගේ මවගේ ජංගම දුරකථන පොලිස් භාරයට ගෙන තිබෙනවා.
මේ අතර විභාග අක්රමිකතා කිහිපයක් වාර්තා වුවත් කිසිදු ප්රශ්න පත්ර පිටවීමක් සිදුව නොමැති බවයි විභාග කොමසාරිස් ජනරාල් අමිත් ජයසුන්දර පවසන්නේ.
අ.පො.ස සාමාන්ය පෙළ විභාගයේ පසුගිය 09 වැනිදා පැවති ඉංග්රීසි ප්රශ්න පත්රය අතර වාරයේ දී විභාග මධ්යස්ථාන දෙකක අක්රමිකතා සිදුව තිබෙන බවට වාර්තා වුණා.
ඒ, කොළඹ කොටහේන ප්රදේශයේ විභාග මධ්යස්ථාන දෙකකදීයි.
මේ අතර හසලක ප්රදේශයේ උපකාරක පංති ගුරුවරයෙකු විභාගය පැවැත්වෙන අතරතුර ඉංග්රීසි ප්රශ්න පත්රය වට්ස්ඇප් සමූහක් වෙත මුදාහැරීමේ සිද්ධියක් ද වාර්තා වුණා.
ඒ, අනුව ඉංග්රීසි භාෂා ප්රශ්න පත්රය වට්ස්ඇප් සාමාජ මාධ්ය හරහා සංසරණය වීම සම්බන්ධයෙන් හසලක ප්රදේශයේ ඉංග්රීසි භාෂාව ඉගැන්වීම් කටයුතු කරන පෞද්ගලික උපකාරක පංති ගුරුවරයාගේ සහ ඔහුගේ මවගේ ජංගම දුරකථන පොලිස් භාරයට ගෙන තිබෙනවා.
ඔවුන්ගෙන් අදාළ සිද්ධිය සම්බන්ධයෙන් ප්රකාශ සටහන් කරගත් බවයි පොලිසීය සඳහන් කළේ.
ඉංග්රීසි භාෂා ප්රශ්න පත්රය වට්ස්සැප් සමාජ මාධ්ය හරහා සංසරණය වීම සම්බන්ධයෙන් මේ වන විට පොලිස් පරීක්ෂණයක් ද ආරම්භ කර ඇති බව විභාග කොමසාරිස් ජනරාල් අමිත් ජයසුන්දර මහතා ප්රකාශ කරනවා.
ඊට අමතරව මේ සම්බන්ධයෙන් විභාග දෙපාර්තමේන්තුව ද අභ්යන්තර පරීක්ෂණයක් ආරම්භ කර තිබෙනවා.
