රටේ ආර්ථිකය ස්ථාවර කර ගැනීමත් සමඟ විශ්වවිද්යාල ආචාර්යවරුන්ගේ ගැටලුවලට ද විසඳුම් ලබාදීමට හැකිවනු ඇති බව ජනපති රනිල් වික්රමසිංහ පවසනවා.
දේශීය ණය ප්රතිව්යුහගත කිරීමේ වැඩපිළිවෙළ එළැඹෙන සැප්තැම්බර් මාසය වන විට සාර්ථකව අවසන් කර රටේ ආර්ථිකය ස්ථාවර කර ගැනීමෙන් පසුව, විශ්වවිද්යාල ආචාර්යවරුන් ඉල්ලා සිටින මූල්ය සහනයන් ඇතුළු වරප්රසාද පිළිබඳ සලකා බැලීමට රජයට හැකි වනු ඇති බවයි ජනාධිපතිවරයා පවසන්නේ.
විශ්වවිද්යාල ආචාර්යවරුන්ගේ සංගමය සමඟ ඊයේ (18) පස්වරුවේ ජනාධිපති ලේකම් කාර්යාලයේ පැවැති සාකච්ඡාවේදී ජනාධිපතිවරයා මේ බව සඳහන් කළා.
සියලු විශ්වවිද්යාල නියෝජනය කරමින් අධ්යයන කාර්ය මණ්ඩල නියෝජිතයන් මීට එක්ව සිටි අතර, වර්තමාන අර්ථික පසුබෑම හමුවේ විශ්වවිද්යාල පද්ධතිය පවත්වා ගෙන යාමේ හා විශ්වවිද්යාල ආචාර්යවරුන් මුහුණ පා ඇති ගැටළු සඳහා ලබාදිය හැකි විසඳුම් පිළිබඳ සොයා බැලීම මෙම සාකච්ඡාවේ අරමුණ වී තිබුණා.
විශ්වවිද්යාල පද්ධතියේ අත්යාවශ්ය පුරප්පාඩු හඳුනාගෙන ඒවා පිරවීම සම්බන්ධයෙන් අමාත්ය මණ්ඩල සංදේශයක් ඉදිරිපත් කරන ලෙස ද ජනාධිපතිවරයා මෙහිදී බලධාරින්ට උපදෙස් දෙනු ලැබුවා.
වාර්ෂිකව විශ්වවිද්යාල වලට බඳවා ගන්නා ශිෂ්ය සංඛ්යාවට සාපේක්ෂව පවතින අධ්යන පහසුකම් ප්රමාණවත් නොවන බව මෙහිදී විශ්වවිද්යාල ආචාර්යවරු පෙන්වා දුන්නා.
මේ වන විට පවතින මූල්ය ප්රතිපාදන සීමාවන් කළමනාකරණය කර ගනිමින් විශ්වවිද්යාල පද්ධතියේ පහසුකම් සංවර්ධනය කිරීම පිළිබඳව මෙහිදී අවධානය යොමු වූ අතර, වෛද්ය පීඨ, ඉංජිනේරු පිඨ සහ විද්යා පීඨවල පහසුකම් සංවර්ධනයට වැඩි අවධානයක් යොමු කරන ලෙස ජනාධිපති රනිල් වික්රමසිංහ මෙහිදී උපදෙස් දෙනු ලැබුවා.
දැනට නවතා ඇති විශ්වවිද්යාල ආචාර්යවරුන්ගේ පර්යේෂණ දීමනාව යළි ලබාදීමට ඇති හැකියාව පිළිබඳ නීතිපතිවරයා සමඟ සාකච්ඡා කර තීරණයකට එළැඹෙන ලෙස ද ජනාධිපතිවරයා බලධාරින්ට සඳහන් කළා.
රටේ විශ්වවිද්යාල අධ්යාපනය සම්බන්ධයෙන් තීරණ ගැනීමේ දී හා අධ්යාපන ප්රතිසංස්කරණ වල දී නවීන ලෝකයට ගැළපෙන සේ නිසි උපදේශනයක් ලබා ගැනීමේ අවශ්යතාවය පිළිබඳව ද මෙහිදී අවධානය යොමු කෙරුණා.
