2022 අයවැය මඟින් හඳුන්වා දෙනු ලැබූ සමාජ ආරක්ෂණ දායකත්ව බද්ද අද (01) දිනයේ සිට ක්රියාත්මක වනවා.
කොරෝනා වසංගතයෙන් කඩා වැටුණු ආර්ථිකය යළි ගිණ ගැනීම සඳහා මෙම සමාජ ආරක්ෂණ දායකත්ව බද්ද හඳුන්වා දෙනු ලැබුවා.
ඒ අනුව මෙම නව බද්ධ මඟින් රුපියල් බිලියන 140ක අමතර ආදායමක් උපයා ගැනීමට රජය අපේක්ෂාව වී තිබෙනවා.
අද සිට ක්රියාත්මක මෙම බද්ධ යටතේ රුපියල් මිලියන 120ට වැඩි වාර්ෂික පිරිවැටුම මත 2.5% ක බද්දක් අයකෙරෙනු ඇති.
මේ අතර අංශ කිහිපයක් සමාජ ආරක්ෂණ බද්දෙන් නිදහස් කර තිබෙනවා.
ඖෂධ, පෙට්රල්, ඩීසල් හෝ භූමිතෙල්, එල්.පී.ගෑස්, දේශීය නිෂ්පාදකයෙකුගෙන් හෝ නිපදවන්නෙකුගෙන් මිලදී ගනු ලබන නැවුම් කිරි, අමු පත්ර, කුරුඳු හෝ රබර් ඒ යටතට අයත් අංශ කිහිපයක්.
එමෙන්ම විදුලි උත්පාදනය හෝ විදුලිය නිපදවීම, වෛද්ය සේවා, ජල සැපයුම, භාණ්ඩ සහ මගී ප්රවාහනය, නිමි ඇඳුම් මැසීමේ සේවා, සංචාරක සේවා, ජීවිත රක්ෂණ ව්යාපාර, සිනමා ශාලා, විදේශ ව්යවහාර මුදල්වලින් ගෙවීම් කටයුතු ලබාගන්නා සේවා ඇතුළු සේවාවන් කිහිපයක් ද සමාජ ආරක්ෂණ දායකත්ව බද්දෙන් නිදහස්.
මෙම නව බදු පැනවීමත් සමඟ භාණ්ඩ හා සේවා මිල ගණන් තවදුරටත් ඉහළ යා හැකි බවයි ආර්ථික විශේෂඥයන් පෙන්වා දෙන්නේ.
