සබරගමුව පළාත් නව ආණ්ඩුකාරවරයා ලෙස පත් වු නවීන් දිසානායක මහතා සිය මාසික වැටුප පළාතේ දරුවන්ගේ අධ්යාපනය සඳහා යෙදවීමට තීරණය කර තිබෙනවා.
සිය ධුරයේ රාජකාරී ආරම්භ කරමින් පළමු කාර්ය ලෙස සිය වැටුප එම පළාතේ දිළිඳු පවුල්වල දරුවන් වෙනුවෙන් පරිත්යාග කරන බවයි ඔහු සඳහන් කළේ.
වැටුප පරිත්යාග කිරීමට අදාළ ලිපිය පළාත් ප්රධාන ලේකම්වරයා වෙත ආණ්ඩුකාරවරයා විසින් ලබාදුන් අතර තම මාසික වැටුප පළාතේ දරුවන්ගේ අධ්යාපනය සඳහා යොදවන බවයි එම ලිපිය මගින් දැනුම් දී ඇත්තේ.
ආණ්ඩුකාර තනතුර දරන කාලය තුළ ලැබිය යුතු වැටුප ඒ වෙනුවෙන් පිහිටුවන අරමුදලට බැර කරන බව සබරගමුව පළාත් ප්රධාන ලේකම්වරයාට භාරදුන් ලිපියේ සඳහන්.
නව ආණ්ඩුකාර නවීන් දිසානායක මහතා රත්නපුර ඓතිහාසික සුමන සමන් දේවාලයට ගොස් ආශිර්වාද ලබා ගත්තා.
අනතුරුව නිලධාරීන් හා සේවකයින් ඇමතු ආණ්ඩුකාරවරයා කියා සිටියේ සබරගමුව පළාතේ අධ්යාපන, මාර්ග, සෞඛ්ය ඇතුළු ක්ෂේත්ර රැසක දියුණුව වෙනුවෙන් පියවර ගන්නා බවයි.
