ජනාධිපතිවරණය වෙනුවෙන් විපක්ෂ නායක සජිත් ප්රේමදාස මහතා ඇප මුදල් තැන්පත් කිරීම සිදු කළා.
අද (31) පෙරවරුවේ විපක්ෂ නායකවරයා වෙනුවට මෙම ඇප මුදල් මැතිවරණ මහ ලේකම් කාර්යාලයේ මුදල් අංශය වෙත ගෙවීම් කටයුතු සිදු කරනු ලැබුවේ සමගි ජන බලවේගයේ පක්ෂ මහලේකම් රංජිත් මද්දුම බණ්ඩාර විසින්.
මේ අතර මේ වනවිට සජිත් ප්රේමදාස සමගින් ජනාධිපතිවරණයට ඇප මුදල් තැන්පත් කළ ගණන 05 දෙනෙකු දක්වා ඉහළ ගොස් තිබෙනවා.
මැතිවරණ කොමිෂන් සභාව විසින් සැප්තැම්බර් මස 21 වැනි දින ජනාධිපතිවරණය පැවැත්වෙන බවට දැනුම්දෙමින් අතිවිශේෂ ගැසට් නිවේදනයක් නිකුත් කිරීමත් සමග ජනාධිපති රනිල් වික්රමසිංහ මහතා වෙනුවෙන් ඔහුගේ නීතිඥවරුන් ඇප මුදල් තැන්පත් කිරීම සිදු කරනු ලැබුවා.
ඒ අනුව මෙවර ජනාධිපතිවරණයට පළමු ව ඇප මුදල් තැන්පත් කරමින්; තමන් ස්වාධීන අපේක්ෂකයෙකු ලෙස තරග වදින බවට රනිල් වික්රමසිංහ විසින් දැනුම් දුන්නා.
ඉන් පසුව සරත් කීර්තිරත්න, ඕෂල ලක්මාල් හේරත් සහ ඒ.එස්.පී. ලියනගේ යන අය පෙරේදා (29) දිනය තෙක් ඇප මුදල් තැන්පත් කර තිබුණා.
මැතිවරණ කොමිෂන් සභාව නිවේදනයක් නිකුත් කරමින් දැනුම්දුන්නේ ඊයේ (30) දිනයේ දී කිසිදු අපේක්ෂකයෙකු ඇප මුදල් තැන්පත් කිරීමක් සිදු නොකළ බවයි.
ඒ අනුවයි අද දිනයේ දී විපක්ෂ නායක සජිත් ප්රේමදාස වෙනුවෙන් සමගි ජන බලවේගය පැමිණ ඇප මුදල් තැන්පත් කෙරුණේ.
