ශූරයින්ගේ කුසලානයේ දෙවැනි ශූරතාව සොයා කිවියන් ඉන්දියාවට එරෙහිව පිටියට

චැම්පියන්ස් කුසලාන අවසන් මහා තරගය අද (09) පැවැත්වෙනවා.

ඒ ඉන්දීය කණ්ඩායම සහ නවසීලන්තය අතර යි.

තරගය අද පස්වරු 02.30ට ඩුබායි හි දී ඇරඹෙනවා.

ඉන්දියාව සහ නවසීලන්තය චැම්පියන්ස් කුසලානයක අවසන් මහා තරගයට පිවිසිය දෙවැනි අවස්ථාව මෙය වනවා.

මීට පෙර ඔවුන් දෙපාර්ශ්වය ම 2000 වර්ෂයේ දී චැම්පියන්ස් කුසලානයේ අවසන් මහා තරගයට පිවිසි අතර එහිදී ශූරයින් බවට පත් වූයේ නවසීලන්තය යි.

ඉන්දියාව සහ නවසීලන්තය අතර එක්දින තරග 119ක් පවත්වා ඇති අතර එහි වැඩිමනත් ජයග්‍රහණ ඉන්දියාව සතු වී තිබෙනවා.

ඉන්දියාව තරග 61ක් දිනා තිබෙනවා.

නවසීලන්තය තරග 50ක් ජයගෙන ඇති අතර එක් තරගයක් ජය පරාජයෙන් තොරවත් තරග 07ක් කිසිදු ප්‍රතිඵලයකින් තොරව ද අවසන් වී තිබෙනවා.

මේ වනවිට චැම්පියන්ස් කුසලාන තරගාවලියේ ඉන්දියාව අනුශූරතා දෙකක් ද ශුරතා 02ක් ද ජයග්‍රහණය කර තිබෙනවා.

නවසීලන්තය අනු ශූරතාවක් සහ එක් ශූරතාවක් ද චැම්පියන්ස් කුසලාන ඉතිහාසයේ තමන් සතු කරගැනීම අද තරගයේ ශූරයින් තීරණය කිරීමේ දී වැදගත් වනු ඇති.