2025 චැම්පියන්ස් කුසලාන එක්දින තරගාවලියෙන් ඉවතට විසිවීමට සත්කාරක පාකිස්ථාන කණ්ඩායමට ඊයේ (24) සිදු වුණා.
ඒ, බංග්ලාදේශ කණ්ඩායම සමඟ ඊයේ (24) පැවති තරගයෙන් කඩුලු පහක ජයක් නවසීලන්තය හිමිකර ගැනීමත් සමඟයි.
මෙම තරග පරාජයෙන් පසු බංග්ලාදේශ කණ්ඩායමටත් මෙවර චැම්පියන්ස් කුසලානයෙන් ඉවතට විසිවීමට සිදු වුණා.
A කාණ්ඩයේ තරගයක් ලෙස පැවති බංග්ලාදේශ, නවසීලන්තය තරගය රාවල්පින්ඩි හිදී පැවති අතර, තරගයේ කාසියේ වාසිය හිමිකර ගත්තේ නවසීලන්ත නායක මිචෙල් සැන්ට්නර් පළමුවෙන් පන්දු රැකීමට තීරණය කළා.
නවසීලන්ත ආරාධනයෙන් පළමුව පන්දුවට පහර දුන් බංග්ලාදේශය නියමිත පන්දුඅවර 50 තුළ කඩුලු 09ක් දැවී ලකුණු 236ක් රැස් කිරීමට සමත් වුණා.
අනතුරුව ලකුණු 237 ජයග්‍රාහී ඉලක්කයක් හඹා ගිය නවසීලන්තය එම ඉලක්කය පන්දුවාර 46යි පන්දු 01ක් තුළ කඩුලු 05ක් පමණක් දැවී පසුකර ගොස් තරගය ජයගත්තා.
මෙම ජයග්‍රහණයත් සමඟ නවසීලන්ත කණ්ඩායමට තරගාවලියේ අවසන් පූර්ව වටයට සුදුකම් ලබාගැනීමට ද හැකියාව ලැබුණා.
මේ අතර A කාණ්ඩයෙන් අවසන් පූර්ව වටය සඳහා ඉන්දීය කණ්ඩායම ද සුදුසුකම් ලබාගෙන සිටිනවා.
