2023-2024 සිරිපා වන්දනා සමය අද (26) ආරම්භ වුණා.
මේ වන විටත් දිවයිනේ විවිධ ප්‍රදේශවලින් වන්දනාකරුවන් විශාල පිරිසක් ශ්‍රි පාදස්ථානය කරුණා කිරීම සඳහා දුම්රියෙන් හැටන් දුම්රිය ස්ථානය වෙත පැමිණ ඇති බව අප වාර්තාකරු සඳහන් කළා.
එලෙස පැමිණ ඇති පිරිස් අතර විදේශිය සංචාරකයන් ද විශාල පිරිසක් සිටින බව ද වාර්තා වනවා.
හැටන් දුම්රිය ස්ථානයේ සිට නල්ලතන්නිය දක්වා මෙම වන්දනාකරුවන් ප්‍රවාහනය සඳහා හැටන් ලංගම ඩිපෝව මඟින් ලංගම බස් රථ ධාවනයට එක් කර තිබෙනවා.
හැටන් දුම්රිය ස්ථානය වෙත මගී දුම්රියන් පැමිණෙන සෑම අවස්ථාවකම වන්දනාකරුවන් ප්‍රවාහනය කිරීම වෙනුවෙන් බස් රථ එක්කර ඇති බවයි හැටන් ඩිපෝවේ කළමනාකරු සඳහන් කළේ.
මේ අතර සිරිපා වන්දනා සමය තුළ සිදුකළ යුතු සහ නොකළ යුතු ක්‍රියාකාරකම් සම්බන්ධයෙන් රජය විසින් විශේෂ ගැසට් නිවේදනයක් නිකුත් කර තිබෙනවා.
රත්නපුර දිස්ත්‍රික් ලේකම් වසන්ත ගුණරත්නගේ අත්සනින් යුතුව මෙම ගැසට් නිවේදනය නිකුත් කර ඇති අතර, එය ප්‍රධාන කරුණු 10කින් සමන්විතයි.
