පෞද්ගලික විශ්ව විද්‍යාලයක ඉගෙනුම ලබන වෛද්‍ය සිසුවියක්, ඇයගේ මෝටර් රථය සමඟ පුද්ගලයෙකු විසින් පැහැර ගෙන ගොස් තිබුණා.
කරාපිටිය ප්‍රදේශයේ දී මෙම සිදුවීම වාර්තා වුණු අතර එහිදී වෛද්‍ය සිසුවිය තම සහෝදරිය සමඟ බැංකුවක් වෙත ගොස් තිබුණේ මුදල් අවශ්‍යාතවයක් සඳහායි.
සහෝදරිය බැංකුවට ගොස් වැඩ කටයුතු කරගන්නා තුරු සිසුවිය විසින් මෝටර් රථයට වී සිට ඇති අතර එම අවස්ථාවේ පැමිණි පුද්ගලයෙකු විසින් සිසුවිය සහ මෝටර් රථය පැහැර ගෙන ගොස් තිබුණා.
සිදුවීම සම්බන්ධයෙන් පැහැර ගැනීමට ලක්වූ සිසුවිය පවසා සිටියේ මෙවන් කතාවක්,
“කොණ්ඩෙන් අල්ලා කකුලට තියලා තද කරගෙන එයා එක අතින් ඩ්‍රයිව් කරා.. එතකොට මට මොකුත් කරගන්න බැරි හින්දා.. මම මොකුත් කරන්නේ නෑ ඉල්ලන ඕනම දෙයක් දෙන්න කාර් එක තියලා යන්න කිව්වා.. ඒ පාර එයා කිව්වා එයාට කාර් එක වැඩක් නෑ, මට ඕන සල්ලි විතරයි ඔය චේන් එකයි, බ්‍රේස්ලට් එකයි ගලවන්න කිව්වා.. මම චේන් එකක් දාලා හිටියේ නෑ, බ්‍රේස්ලට් එක විතරයි දාලා හිටියේ.. මම යන ගමන් බ්‍රේස්ලට් එක ගලව ගලව ගිහිල්ලා යන ගමන් කතා කර කර ගියේ.. මාව බස්සන්න ඒ කියන්නේ කාර් එක තියලා සල්ලයි බ්‍රේස්ලට් අරගෙන ඔයා යන්න, කාර් එක තියලා යන්න කියලා.. මම කරාබු දෙක ගලවලා දෙන්න හැදුවාමත් එපා කිව්වා.. කරාබු දෙක නම් එපාලු බ්‍රේස්ලට් එකයි, සල්ලි තිබුණාම ඇතිලු..”
අවසානයේ සැකකරු විසින් රුපියල් හැට දෙදහසක මුදලක් සහ රත්‍රං බ්‍රේස්ලට් එකද රැගෙන බලා ගොස් තිබුණා.
අපරාධය සිදුකළ පුද්ගලයා විසින් තරුණිය රත්ගම නගරයෙන් බස්සවා, මෝටර් රථය වෙනත් ප්‍රදේශයක දමා පලා ගොස් තිබුණා. මෙලෙස අත්හැර දමා ගිය මෝටර් රථය රත්ගම පොලීසිය විසින් සොයා ගෙන තිබුණේ බුස්ස දැව සංස්ථාව ඉදිරිපිට තිබිය දීය.
සිදුවීම සම්බන්ධව දර්ශන පහතින්,
