යෝජිත වෙළඳ ගිවිසුමක් සඳහා ඉන්දියානු වාණිජ අමාත්යාංශ කණ්ඩායමක් එක්සත් ජනපදය සමඟ තවත් සාකච්ඡා වටයක් සඳහා වොෂින්ටනයට යාමට නියමිත බව ඉන්ඩියා ටයිම්ස් වෙබ් අඩවිය වාර්තා කරනවා.
මෙම සංචාරයේ දී ද්විපාර්ශ්වික වෙළෙඳ ගිවිසුමේ අතුරු හා පළමු අදියර සම්බන්ධයෙන් සාකච්ඡා පැවැත්වෙන බව පුවත් වාර්තාවේ සඳහන්.
මෙම සංචාර දිනයන් තවමත් අවසන් කර නැතැයි ඉන්ඩියා ටයිම්ස් වාර්තා කරනවා.
කෙසේ වෙතත්, ආරංචි මාර්ග සඳහන් කර ඇත්තේ මෙම කණ්ඩායම ලබන සතියේ වොෂිංටන් වෙත පැමිණෙනු ඇතැයි අපේක්ෂා කරන බවයි.
ගිවිසුමේ සාකච්ඡා අවසන් කිරීමෙන් පසු මේ මස මුල දී ඉන්දියානු කණ්ඩායම වොෂිංටන් සිට නැවත පැමිණ තිබුණා.
අතිරේක ආනයන තීරුබදු පැනවීම එක්සත් ජනපදය අගෝස්තු 01 වැනිදා දක්වා තවදුරටත් දීර්ඝ කර ඇති බැවින් මෙම සංචාරය වැදගත් වනවා.
ඉන්දීය ආනයන මත සියයට 26ක අන්යොන්ය තීරු බදු පනවන බව ට්රම්ප් අප්රේල් 2වැනිදා නිවේදනය කළා.
