වර්ජනයේ නිරතව සිටි විශ්වවිද්‍යාල අනධ්‍යන සේවකයින්ගේ හිඟ වැටුප් ගෙවීම වෙනුවෙන් මහා භාණ්ඩාගාරය රුපියල් බිලියන 4.2ක් වෙන් කර ඇති බව විශ්වවිද්‍යාල ප්‍රතිපාදන කොමිෂන් සභාව පවසනවා.
එහි සභාපති ජ්‍යෙෂ්ඨ මහාචාර්ය සම්පත් අමරතුංග සදහන් කළේ අනධ්‍යන සේවකයින්ගේ වැටුප් විෂමතාවයට විසඳුමක් ලබාදීමට ජනාධිපතිවරයා මැදිහත් වූ බවයි.
විශ්වවිද්‍යාල අනධ්‍යන සේවකයින් දින 75ක කාලයක් අඛණ්ඩ වැඩ වර්ජනයක නිරතවීමෙන් අනතුරුව පසුගිය 16 වනදා සිට යලි සේවයට වාර්තා කළා.
ඒ, පසුගිය 15 වනදා විශ්වවිද්‍යාල ප්‍රතිපාදන කොමිෂන් සභාව සහ විෂභාර අමාත්‍ය සුසිල් ප්‍රේම්ජයන්ත සමඟ සිදුකළ සකච්ඡාවකින් අනතුරුවයි.
එම සේවකයින් සිදුකළ දීර්ඝ වැඩ වර්ජනය හේතුවෙන් සියලු රාජ්‍ය විශ්වවිද්‍යාල සහ උසස් අධ්‍යාපන ආයතනවල කටයුතුවලට එල්ල වුණේ දැඩි බලපෑමක්.
ඔබේ ප්‍රතිචාරය කුමක්ද ?
+1
+1
+1
3
+1
+1
1
+1
+1
1
