පසුගිය ජනාධිපතිවරණය සඳහා ඉදිරිපත් වූ අපේක්ෂකයින් 38 දෙනාගෙන් අපේක්ෂකයින් 35 දෙනෙක් මැතිවරණ වියදම් වාර්තා ඊයේ (13) මධ්‍යම රාත්‍රිය වන විට භාර දී ඇති බව මැතිවරණ කොමිෂන් සභාව නිවේදනය කළා.
ඒ, අනුව එම වියදම් වාර්තා භාරදුන් අපේක්ෂකයින් අවසන් ලැයිස්තුව මේ වනවිට ප්‍රසිද්ධියට පත්කර තිබෙනවා.
අපේක්ෂකයින් තිදෙනෙක් මෙම මැතිවරණ වියදම් වාර්තා වාර්තා භාර දී නොමැති අතර, ජනසෙත පෙරමුණෙන් ජනාධිපතිවරණයට ඉදිරිපත් වූ බත්තරමුල්ලේ සීලරතන හිමි, ස්වාධීන අපේක්ෂකයෙක් ලෙස තරග වැදුණු සරත් කීර්තිරත්න සහ ජනාධිපති අපේක්ෂක අරියනේත්තිරන් පාක්කිය සෙල්වම් මෙලෙස වියදම් වාර්තා භාර දී නොමැති බවයි මැතිවරණ කොමිසම නිවේදනය කළේ.
මේ අතර මැතිවරණ කොමිෂන් සභාව මීට පෙර සඳහන් කර තිබුණේ නියමිත දිනට පෙර අදාළ වියදම් වාර්තා භාර නොදෙන අපේක්ෂකයින්ට නීතිමය ක්‍රියාමාර්ග ගන්නා බවයි.
වියදම් වාර්තා ඉදිරිපත් කළ අපේක්ෂකයින්ගේ නම් ඇතුළත් නිවේදනය මෙතැනින්..
