මතභේදයට තුඩු දී ඇති දකුණු චීන මුහුදේ ගල්පර මත චීන නාවික අංශ විසින් රේඩාර් පද්ධතියක් නිර්මාණය කරමින් සිටින ආකාරය චන්ද්‍රිකා තාක්ෂණයෙන් ඡායාරූපගත වී තිබෙනවා.
‘ද ගාඩියන්’ විදෙස් පුවත් සේවය පැවසුවේ; චීනය මෙම නව රේඩාර් පද්ධතියෙන් බලාපොරොත්තු වී ඇත්තේ පැරසෙල් දූපත් සමූහයේ සහ ට්‍රයිටන් දූපත් සිය මුරපොළ ලෙස කලාපය තුළ තබාගනිමින් සිය නාවික නිරීක්ෂණ හැකියා සහ බලතල පුළුල් කරගැනීම බවයි.
චීනය පැරසෙල් දූපත් සමූහයේ නිරිතදිග කෙළවරේ ට්‍රයිටන් දූපතේ සිය මුරපොල වැඩිදියුණු කරමින්, නැව් නාශක මිසයිල බැටරියක් දියත් කිරීමේ ස්ථානයක් මෙන්ම නවීන රේඩාර් පද්ධතියක් චීනය විසින් ගොඩනගමින් සිටින බව චැතම් හවුස් විසින් කරන ලද විශ්ලේෂණයකින් ඇඟවෙනවා.
එම විශ්ලේෂණ මගින් වැඩිදුරටත් පෙන්වාදෙන්නේ මෙවැන්නක්;
රහස් ගුවන් යානා යැවීමට සහ රහසිගත ලෙස පිටස්තර ගුවන් යානාවලට තර්ජනය කිරීමටත්; අමෙරිකාවේ ගුවන් කටයුතු සීමා කිරීමටත් සහ අමෙරිකානු මිත්‍ර පාක්ෂිකයින්ට චීන ක්‍රියාව දැඩි සංඥාවක් වනු ඇති බව මිචෙල් අභ්‍යවකාශ අධ්‍යයන ආයතනයේ ජ්‍යෙෂ්ඨතමයෙකු වන මයිකල් ඩාම් ප්‍රකාශ කර තිබෙනවා.
ට්‍රයිටන්, හෙක්ටයාර 120ක් පමණ විශාල ගල්පරයක් වන අතර පැරසෙල්ස් මුහුදේ නිරිතදිග කෙළවරේ මෙය පිහිටා තිබෙනවා.
1974 දී වියට්නාමය සමඟ ප්‍රචණ්ඩකාරී ගැටුමකින් පසු චීනය විසින් පාලනය කරන ලද දූපත් සමූහයක් වන මෙයට තායිවානය සහ වියට්නාමය ද හිමිකම් කියනවා.
