කොළඹ නගරයේ විවිධ ස්ථානවල ව්‍යාජ ඒජන්සි පවත්වා ගෙනයමින්, කැනඩාවේ රැකියා සඳහා පුද්ගලයින් යවන බව පවසා මුදල් ලබා ගෙන සැඟව සිටි පුද්ගලයෙකු කොළඹ අපරාධ කොට්ඨාශයේ නිලධාරීන් විසින් අත්අඩංගුවට ගෙන තිබෙනවා.
ඔහු 29 හැවිරිදි අටළුගම ප්‍රදේශයේ පදිංචිකරුවෙක් බවයි පොලිස් මාධ්‍ය ප්‍රකාශකවරයා සඳහන් කළේ.
ඔහු රුපියල් ලක්ෂ 30කට ආසන්න මුදලක් වංචාසහගත ලෙස ලබා ගෙන ඇති බවද ඒ මහතා ප්‍රකාශ කළා.
අන්තර්ජාලය, මුහුණුපොත භාවිත කරමින් විදෙස් රටවල රැකියා සඳහා යවන බවට වංචා සිදු කරන පුද්ගලයින් පිලිබඳ වාර්තා වන බවත් ඒ පිලිබඳ වඩාත් සැලකිලිමත්වන ලෙසත් පොලිස් මාධ්‍ය ප්‍රකාශකවරයා ඉල්ලා සිටිනවා.
