විදෙස් මුදල් ළඟ තබා ගැනීම සීමා කෙරේ

ජුනි 16 වනදා සිට බලපැවැත්වෙන පරිදි ශ්‍රී ලංකාව තුළ සිටින පුද්ගලයෙකුට විදෙස් මුදල් ළඟ තබා ගැනීම සීමා කිරීමට මුදල් අමාත්‍යාංශය තීරණය කර තිබෙනවා.

ඒ අනුව ළඟ තබාගත හැකි උපරිම විදෙස් මුදල් ප්‍රමාණය අමෙරිකානු ඩොලර් 15,000 සිට අමෙරිකානු ඩොලර් 10,000 දක්වා සීමා කිරීමට තීරණය කර ඇත්තේ.

ඊට වඩා වැඩි විදෙස් මුදලක් සන්තකයේ තබා ගන්නේ නම් එය විදේශ ව්‍යවහාර මුදල් ගිණුමක තැන්පත් කිරීමට හෝ බලපත්‍රලාභී වානිජ බැංකුවකට විකිණීමට ජුනි 16 වනදා සිට වැඩ කරන දින 14ක පොදු සමා කාලයක් ලබා දී ඇති බවයි මුදල් අමාත්‍යාංශය වැඩිදුරටත් සඳහන් කළේ.

එම කාලයෙන් පසුව අදාළ නියමය උල්ලංඝනය කරන්නේ නම් ඊට එරෙහිව පියවර ගත හැකි වනවා.