මෙම වර්ෂයට අදාළ දෙවන විදුලි ගාස්තු සංශෝධනය අද (15) දිනයේ ප්රකාශයට පත් කරන බව මහජන උපයෝගීතා කොමිෂන් සභාව පවසනවා.
ඒ, අනුව ගාස්තු සංශෝධනයට අදාළ ගණනය කිරීම සිදුකරගෙන යන බවයි එම කොමිෂන් සභාව සඳහන් කළේ.
මෙවර ගාස්තු සංශෝධනයේ දී විදුලි ගාස්තු අඩුවන බවට විදුලිබල අමාත්යවරයා විසින් මීට පෙර ප්රකාශ කර සිටියා.
මේ අනුව දෙවන වරටත් සිදු කෙරෙන විදුලිගාස්තු සංශෝධනයේ දී විදුලිබිල අඩුවන අතර, අදාළ ගාස්තු අද දින මහජන උපයෝගිතා කොමිෂන් සභාව විසින් ප්රකාශයට පත් කරනු ලබනවා.
මේ අතර මෙම වසරේ පළමු විදුලි ගාස්තු සංශෝධනය මාර්තු 04 වන දින සිදු කෙරුණා.
මෙම වර්ෂය සඳහා විදුලිබල මණ්ඩලය විසින් යෝජනා කර ඇති විදුලි ගාස්තු සංශෝධනය සම්බන්ධයෙන් මහජන උපදේශනයේ වාචික අදහස් ලබාගැනීම පසුගිය 09 වන දින පෙරවරු 8.30 සිට පස්වරු 4.30 දක්වා පැවැත් වුණේ බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේදීයි.
.
