අවට පරිසරයට අධික ලෙස දුම් මුදා හරින රථ වාහන අත්අඩංගුවට ගැනීමේ මෙහෙයුමක් මේ දිනවල (13) ක්‍රියාත්මක වනවා.
‘ක්ලීන් ශ්‍රී ලංකා’ වැඩසටහනින් ශ්‍රී ලංකා මෝටර් රථ ප්‍රවාහන දෙපාර්තමේන්තුව සහ පොලිසිය එක් ව මෙම මෙහෙයුම් සිදු කරන බවයි දසත ප්‍රාදේශීය වාර්තාකරු පැවසුවේ.
මහා මාර්ගයේ ධාවනය වන රථවාහන නවතා මෙම පරීක්ෂාව දිවයින පුරා සිදු කෙරෙනවා.
මෝටර් රථ නවත්වා වායු විමෝචන පරීක්ෂණ සිදු කිරීම මෙහි ප්‍රධාන කාර්‍යයයි.
ඊයේ (12) දහවල් ද පොලිසිය සහ මෝටර් රථ ප්‍රවාහන දෙපාර්තමේන්තුවේ නිලධාරීන් එක් ව හයිලෙවල් මාර්ග කොටසේ මෙම පරීක්ෂාව සිදු කළා.
එම දුම් පරීක්‍ෂණවලින් අසමත් වන රථ වාහන සඳහා දඩ නියම කිරීමක් සිදු නොකළ ද, දින 07ක කාලයක දී එම වාහන නඩත්තු කර නැවත වේරහැර මෝටර් රථ ප්‍රවාහන දෙපාර්තමේන්තුව ශාඛාවට පෙන්වීමට නියෝග කර ඇති බවයි වාර්තා වන්නේ.
මෙම මෙහෙයුමේ විශේෂත්වය වන්නේ රජයේ වාහන ද පරීක්ෂාවට භාජනය කිරීම යි.
