ව්‍යාජ ගැබිනි තත්ත්වයක් සමාජයට ප්‍රදර්ශනය කරමින් වීදි දිගේ සිඟමනේ යෙදුණු කාන්තාවක් පොලිස් අත්අඩංගුවට ගෙන තිබෙනවා.
අද (02) පෙරවරුවේ මෙම කාන්තාව පානදුර දකුණ පොලිසිය විසින් අත් අඩංගුවට ගනු ලැබූ බවයි වාර්තා වන්නේ.
මෙසේ අත්අඩංගුවට ගෙන ඇත්තේ මොරටුමුල්ල ප්‍රදේශයේ පදිංචි 57 හැවිරිදි කාන්තාවක්.
පානදුර බස් නැවතුම්පොළ සහ ඒ අවට ප්‍රදේශයේ ගර්භනී කාන්තාවක සිඟමන් යදින බවත්; ඇය වසර දෙකකට ආසන්න කාලයක් ගර්භනී තත්ත්වයක් ප්‍රදර්ශනය කරමින් සිටින බවට සහකාර පොලිස් අධිකාරි නිශාන්ත සේනාරත්න මහතාට ලද තොරතුරක් මත මෙම විමර්ශනය සිදු කර තිබෙනවා.
කූඨ ලෙස ජනතාව නොමග යවමින් සිඟමන් යැදීමේ චෝදනාව යටතේ වරදක් කර ඇති බවත්, සැකකාරිය පානදුර මහේස්ත්‍රාත් අධිකරණයට ඉදිරිපත් කිරීමට නියමිත බවත් උසස් පොලිස් නිලධාරියෙකු ප්‍රකාශ කළා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
