උතුරු පළාතේ නීති විරෝධී අයුරින් අලවා තිබූ පෝස්ටර වැඩි ප්‍රමාණයක් ඉවත් කිරීමට වවුනියාව පොලිසිය කටයුතු කෙරුණා.
මැතිවරණ සමය තුළ නීති විරෝධී ලෙස අලවා තිබු පෝස්ටර 9000 කට වැඩි ප්‍රමාණයක් මේ වන විට වවුනියාව පොලිසිය විසින් ඉවත් කොට ඇති බවයි වාර්තා වන්නේ.
මැතිවරණ කොමිෂන් සභාව විසින් සියලු ම මැතිවරණ ප්‍රචාරණ කටයුතු අද (18) මධ්‍යම රාත්‍රී 12න් පසු අවසන් කරන ලෙසට නිවේදනය කර තිබූ හෙයින් මෙලෙස පෝස්ටර් ඉවත් කිරීමට කටයුතු කර තිබෙනවා.
වවුනියාව මූලස්ථාන ප්‍රධාන පොලිස් පරීක්ෂක ජේ.ඒ.එස්.එස්.ජයකොඩි ප්‍රමුඛ පොලිස් නිළධාරීන් අද(18) උදෑසන වවුනියාව නගරයේ නීති විරෝධි ලෙස අලවා තිබූ පෝස්ටර ඉවත් කිරීමට කටයුතු කර ඇති බවයි අප වාර්තාකරු පැවසුවේ.
ඒ අනුව වවුනියාව පොලිසිය වැඩි දුරටත් පවසන්නේ වවුනියාව නගර සීමාව තුළ නීති විරෝධි අයුරින් කිසිඳු ප්‍රචාරණ පුවරුවක් දැක ගැනීමට නොහැකි බවයි.
