වතුර පිරුණු වළකට වැටී කුඩා දරුවෙක් මිය යාමේ අවාසනාවන්ත සිදුවීමක් ගල්නෑව ප්රදේශයෙන් වාර්තා වනවා.
මෙලෙස ජීවිතක්ෂයට පත්ව ඇත්තේ අවිශ්ක සම්පත් විජේරත්න නැමැති වයස අවුරුදු තුන හමාරක දරුවෙක්.
දරුවා ඊයේ (16) පස්වරුවේ සෙල්ලම් කරමින් සිටි අවස්ථාවක නිවස ආසන්නයේ පිහිටි ඉඩමක කපා තිබූ වළකට වැටී තිබෙනවා.
දරුවා නිවසේ නොමැති බවට දැනගත් මව්පියන් විසින් අසල්වැසියන්ගේ ද සහාය ඇතිව සිදුකළ සෝදිසි කිරීම්වල දී වළ තුළ වැටී සිටිය දී දරුවා සොයා ගැනීමට හැකිව තිබෙනවා.
අනතුරුව දරුවා වහාම රෝහල් ගත කිරීමට පියවරගෙන තිබුණත් ඒ වනවිටත් දරුවා මිය ගොස් ඇති බවයි පොලිසිය සඳහන් කළේ.
මිය ගිය දරුවාගේ සිරුර මේ වනවිට නෑගම්පහ රෝහලේ තැන්පත් කර තිබෙනවා.
එම දරුවාගේ හදිසි මරණය සම්බන්ධයෙන් ස්ථානීය මහේස්ත්රාත් පරීක්ෂණයක් පැවැත්වීමට නියමිත අතර, කැකිරාව මහේස්ත්රාත් අධිකරණය මඟින් අද (17) එය පැවැත්වීමට නියමිතව ඇති බවයි වාර්තා වුණේ.
දරුවාගේ හදිසි මරණය සම්බන්ධයෙන් වූ වැඩිදුර විමර්ශණ ගල්නෑව පොලිස් ස්ථානය මඟින් මේ වනවිට ආරම්භ කර ඇති බව ‘දසත නිවුස්’ කැකිරාව ප්රාදේශීය වාර්තාකරු සඳහන් කළා.
