ඉන්දීය ක්‍රිකට් කණ්ඩායමේ නායක රෝහිත් ෂර්මා දෙවැනි වරටත් අති උතුම් පිය පදවිය ලබා තිබෙනවා.
ඊයේ (15) රාත්‍රියේ දී ඉන්දීය ක්‍රිකට් නායකයාට මෙම වාසනාවන්ත අවස්ථාව අත්විඳීමට හැකි ව ඇති බවයි ඉන්දීය මාධ්‍ය වාර්තා කරන්නේ.
සිය ආදරණීය බිරිඳ වන රිතිකා සජ්දේ දෙවැනි වරටත් මව් පදවියට සැරසෙන පුවත ඉන්දීය ක්‍රීඩා ලෝලීන් අතර ශීඝ්‍රයෙන් පැතිරුණ සුබ පුවතක් වුණා.
ඒ අනුව ඇය දෙවැනි දරු ප්‍රසූතිය සිදු කර ඇත්තේ පෞද්ගලික රෝහලකදියි.
දෙවැනි දරුවා පිරිමි දරුවෙකු බවත් රෝහිත් ෂර්මා පිළිබඳව වාර්තා කර ඇති ඉන්දීය මාධ්‍ය උපුටනයන් සඳහන් කරනවා.
රෝහිත් ෂර්මාට වයස අවුරුදු 6ක දියණියක් සිටින අතර ඇය නමින් සමයිරා.
රෝහිත් සහ රිතිකා 2015 වර්ෂයේ දී විවාහ දිවියට පත් වුණු අතර ඔවුන් දෙපළගේ කුළුදුල් දියණිය ලෙස සමයිරා උපත ලබන්නේ 2018 දීයි.
ඉන් අනතුරුවයි සිය පළමු පිරිමි දරුවා මෙම වසරේ ඊයේ (15) දින උපත ලැබුවේ.
සිය දෙවැනි දරුවාගේ උපත හේතුවෙන් ශර්මා බෝඩර් – ගවස්කාර් කුසලානයේ ඔස්ට්‍රෙලියාවට එරෙහිව 22 වැනිදා පර්ත්හි දී ඇරඹීමට නියමිත පළමු ටෙස්ට් තරගයෙන් ද ඉවත් වී තිබෙනවා.
