ලෝක බැංකුව මඟින් ශ්‍රී ලංකාව වෙනුවෙන් ඇමරිකානු ඩොලර් මිලියන 150ක් අනුමත කර තිබෙනවා.
ලෝක බැංකුවේ විධායක අධ්‍යක්ෂ මණ්ඩලය විසින් ශ්‍රී ලංකාවේ ප්‍රාථමික සෞඛ්‍ය සේවාවල ගුණාත්මක භාවය සහ ප්‍රයෝජනය වැඩි දියුණු කිරීම සඳහා මෙම ඩොලර් මිලියන 150ක මූල්‍යකරණයක් අනුමත කර ඇති බවයි වාර්තා වන්නේ.
ලෝක බැංකුවේ පෙර සහාය ඇතිව මෙරට ප්‍රාථමික සෞඛ්‍ය ආරක්ෂණ පද්ධති ශක්තිමත් කිරීමේ ව්‍යාපෘතිය අත්‍යවශ්‍ය උපකරණ, ඖෂධ, සෞඛ්‍ය සේවකයින් සහ මූලික රසායනාගාර පරීක්ෂණ පහසුකම් සහිත ප්‍රාථමික වෛද්‍ය සේවා ආයතන 550ක් දැනටමත් වැඩිදියුණු කර තිබෙනවා.
නව ව්‍යාපෘතිය මගින් ශ්‍රී ලංකාවේ සියලුම දිස්ත්‍රික්කවල ප්‍රාථමික වෛද්‍ය සේවා ආයතනවලින් 100%ක් ආවරණය වන පරිදි මෙම ප්‍රයත්නයන් පුළුල් කරනු ඇති අතර, වඩාත් පුළුල් සේවා පැකේජයක් සහ වැඩිදියුණු කළ සත්කාරක ගුණාත්මක භාවයක් සමඟ පහසුකම් 1,000කට අධික සංඛ්‍යාවක් දක්වා ව්‍යාප්ත වනවා.
