ශ්රී ලංකා රජයට ලෝක ආහාර වැඩසටහන යටතේ පොහොර මෙට්රික්ටොන් 55,000ක් ප්රදානයක් හිමි වුණා.
අද (12) පෙරවරුවේ මෙම පොහොර තොගය ශ්රී ලංකා රජය වෙනුවෙන් කෘෂිකර්ම අමාත්ය ලාල් කාන්ත මහතා ගොස් පිළිගනු ලැබුවා.
ලෝක ආහාර වැඩසටහන යටතේ ‘මියුරියේට් ඔෆ් පොටෑෂ්’ පොහොර තොගයක් ශ්රී ලංකා රජය වෙත ලබා ගැනීම සඳහා 2024‑05‑06 දින අමාත්ය මණ්ඩල අනුමැතිය ලබා දුන්නා.
ඊට අදාළ ත්රෛපාර්ශ්විය ගිවිසුම ලෝක ආහාර සංවිධානය, Uralchem -Uralkali Group සමාගම සහ ශ්රී ලංකා රජය වෙනුවෙන් ස්ටේට් ෆර්ටිලයිසර් කම්පැනි ලිමිටඩ් විසින් 2024‑09‑20 දින අත්සන් තබා ඇති බවයි පසුගියදා (10) පැවති කැබිනට් තීරණ දැනුම්දීමේ මාධ්ය හමුවේ දී පැවසුවේ.
එකී පොහොර තොගය රැගත් නෞකාව පෙරේදා (10) දිනයේ දී මෙරටට පැමිණි අතර, පොහොර තොගය ශ්රී ලංකා රජය වෙත භාරදීමේ නිල උත්සවය අද මේ අයුරින් කොළඹ වරායේ දී සිදු කෙරුණා.
කෘෂිකර්ම, පශු සම්පත්, ඉඩම් සහ වාරිමාර්ග අමාත්යවරයා විසින් ඉදිරිපත් කරන ලද එම තොරතුරු සැලකිල්ලට ගෙන, එකී මුළු පොහොර තොගයෙන් 50%ක ප්රමාණයක් ‘වී හා වෙනත් භෝග’ සඳහාත් ඉතිරි 50% පොල් වගාව සඳහාත් භාවිත කිරීම පිණිස ගොවීන් වෙත බෙදා හැරීමට අමාත්ය මණ්ඩලය විසින් තීරණය කරනු ලැබුවා.
