ශ්රී ලංකාව ඇතුළු ලෝකයේ රටවල් රැසකට ඊයේ රාත්රියේ 2023 නව වසර උදා වුණා.
ආගමික වතාවත් වලට මුල්තැන දෙමින් 2023 වසර පිළිගැනීමට මෙරට බොහෝ පිරිසක් කටයුතු කළ ආකාරය දැකගත හැකි වුණා.
කිරිබති, නවසීලන්තය, ඕස්ට්රේලියාව ඇතුළු රටවල් පළමුව 2023 නව වසර පිළිගත් අතර, ඒ වෙනුවෙන් විශේෂ උත්සව මෙන්ම ගිනිකෙළි සංදර්ශන ද සංවිධානය කර තිබූ අයුරු විදෙස් මාධ්ය වාර්තා කළා.
මේ අතර අලුත් අවුරුද්ද සැමරීමට ලන්ඩන් නුවර දර්ශනීය ගිනිකෙළි නැරඹීමට විශාල පිරිසක් තේම්ස් ගං ඉවුරට රැස්ව සිටි බවත් වාර්තා වනවා.
පැවති ධාරානිපාත වර්ෂාව පිළිබඳ අනතුරු ඇඟවීම් ද නොතකා බ්රිතාන්ය අවට වීදිවල මිනිසුන් පැය ගණන් සාද පවත්වමින් නව වසර පිළිගත් ආකාරය ද දැකගත හැකිවුණා.
එමෙන්ම අසල්වැසි ඉන්දියාව ද ඉතා උත්සවශ්රීයෙන් 2023 නව වසර පිළිගත් අතර, එම ජනතාවද ආගමික වතාවත් වලට ප්රමුඛතාව ලබාදෙමින් නව වසර ආරම්භය සැමරුවා.
මේ අතර එක්සත් අරාබි එමීර් රාජ්ය ඇතුළු අරාබි රටවල් ද නව වසර ඉතා උත්සවශ්රීයෙන් පිළිගත් අතර, එක්සත් අරාබි එමීර් රාජ්යයේ බර්ජ් කලීෆා හී දීප්තිමත් ආලෝක සංදර්ශනයක් සහ ගිනිකෙළි සංදර්ශනයක් ද සංවිධානය කර තිබුණා.
එමෙන්ම කෙන්යාව, උගන්ඩාව, ඊජිප්තුව ඇතුළු නැගෙනහිර අප්රිකානු රටවල් ද 2023 නව අවුරුදු උදාව ඉහළින් සමරා ඇති බවයි වාර්තා වුණේ.
මේ අතර රුසියානු යුක්රේන යුද්ධය මාධ්යයේ වුව ද දෙරටම 2023 නව වසර පිළිගැනීමට කටයුතු කර තිබුණා.
