නවතම වෙළෙඳපොළ අධ්‍යයන වාර්තාවකට අනුව චීනය අබිබවා යතුරුපැදි වෙළෙඳපොලේ ප්‍රමුඛයා බවට ඉන්දියාව පත්වනු ඇතැයි පුරෝකථනය කර තිබෙනවා.
Counterpoint’s Global වාර්තාවට අනුව, 2023 වසරේ දී යතුරුපැදි අලෙවිය 1%ට වඩා අඩු ප්‍රමාණයකින් (YoY) වර්ධනය වී ඇති අතර, ගෝලීය ද්විරෝද රථ වෙළඳපොළ ප්‍රධාන වශයෙන් චීනය, ඉන්දියාව, ඉන්දුනීසියාව, වියට්නාමය සහ පිලිපීනය වැනි ආසියානු රටවල සංකේන්ද්‍රණය වී තිබෙනවා.
වෙළඳපොලේ විද්‍යුත් යතුරුපැදි අංශයේ වර්ධනයක් පෙන්නුම් කරන අතර, 2024 දී අලෙවි කරන ලද යතුරුපැදිවලින් හතරෙන් එකක් බැටරි බලයෙන් ක්‍රියාත්මක වනු ඇතැයි අපේක්ෂා කෙරෙනවා.
වෙළෙඳපොළ ගතිකත්වය පිළිබඳව අදහස් දක්වමින් පර්යේෂකයන් පෙන්වා දෙන්නේ, “ආර්ථික වර්ධනය, කෙටි දුර ගමන් සඳහා යතුරුපැදි භාවිතය සඳහා පාරිභෝගික මනාපය සහ හවුල් සංචලතා අවකාශයේ යතුරු පැදි ඉල්ලුම වැඩි කිරීම ඉන්දියාවට චීනය අභිබවා යාමට උපකාරී වනු ඇති” බවයි.
