පසුගියදා (31) අත්අඩංගුවට ගෙන රක්ෂිත බන්ධනාගාරගත කළ හිටපු රාජ්ය අමාත්ය ලොහාන් රත්වත්තේ මහතා විසින් තමන්ව ඇප මත නිදහස් කරන ලෙස ඉල්ලා ගොනු කළ පෙත්සම සලකා බැලීමට දින නියම වී තිබෙනවා.
දසත අධිකරණ වාර්තාකරු පැවසුවේ; එම පෙත්සම එළඹෙන 19 වැනිදා විභාගයට ගැනීමට අභියාචනාධිකරණය අද (11) දිනයේ දී නියම කළ බවයි.
මිරිහාන ප්රදේශයේ පිහිටි රාජ්ය අමාත්යවරයාගේ බිරිඳ වන ශෂී ප්රභා රත්වත්තේගේ නිවසෙහි නවතා තිබූ මෝටර් රථ දෙපාර්තමේන්තුවේ ලියාපදිංචි නොකළ විදේශියෙන් ආනයනය කොට මෙරට දී එකලස් කළ අධි සුඛෝපභෝගී මෝටර් රථයක් ළඟ තබා ගැනීම සහ භාවිත කිරීමේ චෝදනාව මත හිටපු රාජ්ය අමාත්යවරයා සහ බිරිඳව අත් අඩංගුවට ගෙන නුගේගොඩ අතිරේක මහේස්ත්රාත්වරයා ඉදිරිපත් කිරීමෙන් අනතුරුව රක්ෂිත බන්ධනාගාරගත කළා.
මෙවන් පසුබිමක දී විත්තිකාර පාර්ශ්වය වෙනුවෙන් පෙනී සිටි නීතිඥවරයා අධිකරණය වෙත පෙත්සමක් යොමුජ් කරමින් සිය සේවාදායකයාව ඇප මත මුදා හරින ලෙසට ඉල්ලා සිටියා.
එම පෙත්සමයි මෙලෙස නොවැම්බර් 19 වැනිදා කැඳවීමට නියෝග කෙරුණේ.
එමෙන්ම අභියාචනාධිකරණයේ සභාපති නිශ්ශංක බන්දුල කරුණාරත්න සහ බී. ශෂී මහීන්ද්රන් යන විනිසුරු මඬුල්ල විසින් අදාළ පෙත්සම කැඳවීමට දින ලබාදෙමින් ප්රකාශ කළේ වග උත්තරකාර පාර්ශ්වයන් වන පොලිස්පති ඇතුළු පිරිසට නොතීසි යැවීමට පෙත්සම්කාර පාර්ශ්වය කටයුතු කළ යුතු බවයි.
