මේ දිනවල පැවැත්වෙන ATP ටෙනිස් ශූරතා තරගාවලියේ පිරිමි කණ්ඩායම් තරගයේ දී ටෙනිස් ශ්රේණිගත කිරීම්හි මුලසුන හොබවන සර්බියානු ටෙනිස් ක්රීඩක නොවැක් ජෙකොවික් ව අමිහිරි පරාජයක් අත්කර දෙන්නට ඉතාලියේ ටෙනිස් ශූර ජැනික් සිනර් සමත් වුණා.
මෙම තරගය පෙරේදා දිනයේ දී නිමාවට පත් වූයේ; ATP ශ්රේණිගත කිරීම් හි සිව්වැනි ස්ථානය ප්රසාද ලකුණු 5490ක් හිමිකරගනිමින් සිටින ඉතාලි ජාතික ශූරයාට ජයග්රහණය හිමිකර දෙමින්.
තරග 19ක් අඛණ්ඩ ව ජයගෙන සිටි නොවැක්ගේ මෙම පරාජය දැඩි කතාබහකට මුල පුරා තිබෙනවා.
මෙවර ATP තරගාවලිය පැවැත්වෙන්නේ ඉතාලියේ ටියුරින් නගරයේ දී යි.
ජැනික් සිනර්ගේ මෙම ජයග්රහණයත් සමග නොවැක් එතෙක් මෙතෙක් රැකගෙන ආ නොබිඳුණු ජයග්රහණ 19 බිඳ වැටෙනවා.
22 හැවිරිදි සිනර් කණ්ඩායම් තරගයේ දී නොවැක් ව පරාජයට පත් කළේ තරග වට 7-5ක්, 6-7ක්, (5-7) 7-6ක් සහ (7-2)ක් ලෙසයි.
24 වතාවක් ග්රෑන්ඩ් ස්ලෑම් කේවල ශූරයාට එරෙහි ව සිනර්ගේ පළමු වෘත්තීය ජයග්රහණය ද මෙය වනවා.
ATP ජයග්රහණයෙන් පසු ලොව අංක 4 ඉතාලි ජාතිකයා පැවසුවේ එම තරගය ඇත්ත වශයෙන් ම ඉහළ මට්ටමේ තරගයක් බවටයි.
තමන් සහ නොවැක් ඉතාමත් හොඳින් බුද්ධිමත් ව ක්රීඩා කරන බවට තමන්ට හැඟුණු බව ද සිනර් සඳහන් කළා.
මෙම තරගයේ ජයග්රහණය සෙවූ නොවැක්ට සිනර් එල්ල කළ දැවැන්ත ප්රහාර ඇතැම් අවස්ථාවල දරාගත නොහැකි අවස්ථාවන් ද දක්නට ලැබුණු බවයි විදෙස් මාධ්ය වාර්තා කර ඇත්තේ.
