හයිලෙවල් මාර්ගයේ මහරගම – පන්නිපිටිය ප්‍රදේශයේදී රථ වාහන රාජකාරියේ නිරතව සිටියදී ලොරි රථ රියදුරෙකුට පහරදුන් පොලිස් කොස්තාපල්වරයා ලබන අප්‍රේල් 05 වනදා දක්වා රක්ෂිත බන්ධනාගාර ගත කර තිබෙනවා.
අනතුරුව එම සිද්ධිය සම්බන්ධයෙන් කරන ලද විමර්ශන වලදී තවත් පුද්ගලයෙකුද එම රියදුරුට පහර දෙන බවට අනාවරණය වී තිබෙනවා.
ඒ අනුව ඔහුට නීතිය ක්‍රියාත්මක කිරිමට විමර්ශන ආරම්භ කර ඇති බවයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ සඳහන් කළේ. ඔහු මේ බව සඳහන් කළේ මෙම සිද්ධිය සම්බන්ධයෙන් අප කළ විමසීමකදීයි.
