මැදපෙරදිග ලෙබනන – ඊශ්රායල යුද්ධය හේතුවෙන් අසරණ වූ ලෙබනනයේ රැඳී සිටි ශ්රී ලාංකිකයන් 27 දෙනෙකු ඊයේ (04) රාත්රියේ දී දිවයිනට පැමිණියා.
මෙම පිරිස අතර කුඩා ළමයින් 05 දෙනෙකු , කාන්තාවන් තිදෙනකු සහ පිරිමි පුද්ගලයන් 19 දෙනෙකු සිටින බවයි වාර්තා වන්නේ.
මොවුන් ව මෙරටට එවීම සඳහා සංක්රමණය සඳහා වන ජාත්යන්තර සංවිධානය (International Organization for Migration), ලෙබනනයේ ශ්රී ලංකා තානාපති කාර්යාලයේ නිලධාරීන් සහ ශ්රී ලංකා විදේශ කටයුතු අමාත්යාංශයේ නිලධාරීන් එක්ව පියවර ගෙන තිබුණා.
මේ ආකාරයට ඉකුත් 06, 12 , 28 , හා දෙසැම්බර් 01 දින ද මේ අයුරින් ම ශ්රී ලාංකිකයින් පිරිසක් දිවයිනට පැමිණියා.
මේ වනවිට ලෙබනනයේ රැඳී සිටින ශ්රී ලාංකිකයන් 53 දෙනෙකු ගෙන්වාගෙන ඇති බවයි වාර්තා වන්නේ.
මොවුන් 27 දෙනා 11.30 ට ඩුබායි සිට එමිරේට්ස් ගුවන් සේවයේ ඊ.කේ.- 648 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
