ලංගම බස් රථ රියැදුරන්ගේ වැරදි දැනුම් දෙන්න විශේෂ ඇප් එකක්

බස් රථ රියැදුරන් සිදු කරන වැරදි දැනුම්දීම සඳහා විශේෂ ඇප් එකක් හඳුන්වා දෙන බව, ලංකා ගමනාගමන මණ්ඩලය පවසනවා.

එහි අනතුරු විමර්ශන කළමනාකරු එරන්ද පෙරේරා මහතා සඳහන් කළේ, ඒ හරහා රියැදුරන් සිදු කරන වැරදි මගීන්ට සෘජුවම ඉදිරිපත් කළ හැකි බවයි.

මේ අතර , ලංගම රියැදුරන් සිදු කරනු ලබන වැරදි ලේඛනගත කිරීම සඳහා රියැදුරන්ට අකුසලතා පරීක්ෂණ පොතක් හඳුන්වාදීමට ද තීරණය කර තිබෙනවා.

ඒ හරහා රියැදුරන් සිදු කරන වැරදි ලංගම බස් රථ පරීක්ෂකවරුන්ට සලකුණු කළ හැකියි.

මේ අතර වසරේ ගතවූ කාලය තුළ ලංකා ගමනාගමන මණ්ඩලයට අයත් බස් රථ අනතුරු 218ක් පමණ සිදුව ඇතැයි තොරතුරු අනාවරණ වී තිබෙනවා.

එහිදී පුද්ගලයින් 19 දෙනෙකු මියගොස් ඇති බවයි එරන්ද පෙරේරා මහතා සඳහන් කළේ.