ලංගම බසයක් හා ලොරියක් ගැටී තිදෙනෙකු රෝහලට – දෙදෙනකුට අසාධ්‍යයයි

තණමල්විල – වැල්ලවාය මාර්ගයේ ලංගම බස් රථයක් සහ ලොරි රථයක් ගැටීමෙන් මාරක අනතුරක් සිදු ව තිබෙනවා.

දසත ප්‍රාදේශීය වාර්තාකරු පැවසුවේ, වැල්ලවාය ප්‍රාදේශීය ලේකම් කොට්ඨාසයට අයත් තෙලුල්ල ඉන්ධන පිරවුම්හල ඉදිරිපිට දී මෙම අනතුර අද (26) අලුයම සිදු ව ඇති බවයි.

මහියංගණය සිට ඇල්පිටිය බලා ධාවනය වෙමින් පැවති ලංගම බස් රථයක් හා ලොරි රථයක් මෙලෙස ගැටී ඇති අතර අනතුරින් තිදෙනෙකු තුවාල ලබා තණමල්විල රෝහලට ඇතුළත් කෙරුණා.

එම තුවාලකරුවන් අතරින් දෙදෙනකුගේ තත්ත්වය බරපතළ බැවින් ඔවුන් වැඩිදුර ප්‍රතිකාර සඳහා හම්බන්තොට මහ රෝහලට මාරු කර යවා ඇති බවත් වාර්තා වනවා.

බස් රථයේ පසුපසින් ආ ලොරි රථය බසයේ ගැටී ඇති අතර සිද්ධිය සම්බන්ධයෙන් කුඩාඔය පොලිසිය විමර්ශන සිදු කරනවා.