දින ගණනාවක සිට රුවන්ඩාවට ඇද හැලෙන ධාරානිපාත වර්ෂාව සමගින් හටගත් ජල ගැලීම් හේතුවෙන් පුද්ගලයින් 109 දෙනෙකු මියගොස් ඇතැයි විදෙස් මාධ්‍ය වාර්තා කර තිබෙනවා.
පවතින අයහපත් කාලගුණික තත්වය නිසා සහන සේවා කටයුතු සහ මුදා ගැනීමේ මෙහෙයුම් ඇණහිට ඇති බවයි රුවන්ඩා රජය පවසන්නේ.
අවතැන්ව සිටින පිරිස් වෙත ගොඩබිම් මාර්ග ඔස්සේ ගමන් කිරීම ද අසීරු වී තිබෙන්නේ ප්‍රධාන මාර්ග බොහොමයක් ජලයෙන් යටවී තිබීම හේතුවෙන්.
ඇතැම් මාර්ග ස්ථාන කිහිපයකින් නාය ගොස් ඇතැයි ද එරට ක්‍රියාත්මක සහන සේවා සංවිධාන වාර්තා කර තිබෙනවා.
2020 වසරේ මැයි මාසයේ පුද්ගලයන් 80 දෙනෙකු පමණ මිය ගිය ජල ගැලීමෙන් පසු රුවන්ඩාවට බලපෑ දරුණුතම ගංවතුර මෙයයි.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
