අප රටේ මානව හිමිකම් සහ මූලික අයිතිවාසිකම් සම්බන්ධයෙන් මීට වඩා පුළුල් දැක්මකින් යුත් ව්යවස්ථා සංශෝධනයක් අවශ්ය බව විපක්ෂ නායක සජිත් ප්රේමදාස මහතා පවසනවා.
එක්සත් ජාතින්ගේ මානව හිමිකම් පිළිබඳ මහ කොමසාරිස් වෝල්කර් ටර්ක් මහතාගේ පැමිණීමත් සමග අප රටේ මානව හිමිකම් ක්ෂේත්රය ගැන සංවාදයක් ඇති වන තිබෙන බවත්, ප්රජාතන්ත්රවාදී සමාජයක මානව හිමිකම් ආරක්ෂා කිරීම ඉතාම වැදගත් බවත්, විශ්වීය මානව හිමිකම් ගැන ප්රකාශය, සිවිල් සහ දේශපාලන අයිතිවාසිකම් ගැන ප්රඥප්තිය, ආර්ථික සමාජීය අයිතින් ආරක්ෂා කරන ප්රඥප්තිය, කාන්ත ළමා හා ආබාධිත අයගේ අයිතිය රැකිම, ජනවාර්ගික වශයෙන් වෙනස් නොකර සිටිම, හිංසනයෙන් බැහැර වීම හා පාරිසරික අයිතින් සුරැකිම ආදී ලොවම පිළිගත් මානව අයිතිවාසිකම් සුරක්ෂා කිරීම ප්රජාතන්ත්රවාදයේ සුවිශේෂ කරුණක් බවත් විපක්ෂ නායකවරයා මෙහිදී අවධාරණය කර සිටියා.
මානව හිමිකම් සුරක්ෂා කිරීමට අතුරුදන් වුවන්ගේ කාර්යාලය, හානි පුර්ණ කර්යාලය, ජාතික සමගිය හා සංහිදියාව උදෙසා නිර්මාණය වු කාර්යාලය තුළින් පශ්චාත් යුද සමයේ සංහිඳියාව, මිත්රශීලීත්වය, එකමුතුභාවය සාක්ෂාත් කරලීමට පියවර ගණනාවක් ගෙන ඇති බවත් විපක්ෂ නායකවරයා පැවසුවා.
විපක්ෂ නායක සජිත් ප්රේමදාස මහතා මේ බව කියා සිටියේ ඊයේ (24) එක්සත් ජාතින්ගේ මානව හිමිකම් පිළිබඳ මහ කොමසාරිස් වෝල්කර් ටර්ක් මහතා පාර්ලිමේන්තුවේ දී හමුවීමෙන් අනතුරුව මාධ්ය වෙත අදහස් දක්වමින්.
