රජරට රැජිණ සහ සාගරිකා දුම්රියේ එංජින් එකිනෙක ගැටීමෙන් අද (15) පෙරවරුවේ බෙලිඅත්ත දුම්රිය ස්ථානයේ දී අනතුරක් සිදුව තිබුණා.
මෙම අනතුර සම්බන්ධයෙන් දුම්රිය දෙපාර්තමේන්තුව මට්ටමින් විමර්ශනයක් ආරම්භ කර තිබෙනවා.
බෙලිඅත්තේ සිට අනුරාධපුරය දක්වා ධාවන වූ රජරට රැජිණ දුම්රියේ එංජිම මාරු කිරීමේ දී වැරදි පීල්ලේ ධාවනයවීම හේතුවෙන් එම පීල්ලේ නවතා තිබූ සාගරිකා දුම්රියේ ගැටී මෙම අනතුර සිදුව ඇති අතර; සාගරිකා දුම්රියට ඉන් හානි සිදුව ඇති බවයි වාර්තා වුණේ.
ඒ අනුව සාගරිකා දුම්රිය හෙට (16) උදෑසන කාර්යාලීය ධාවනයට එක් කිරීමට නොහැකි තත්ත්වය මතුව තිබෙනවා.
මේ අතර මෙම අනතුරත් සමඟ රජරට රැජිණ දුම්රිය ද අද (15) උදෑසන ප්‍රමාද වී ධාවනය කෙරුණා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
