රජයේ රෝහල්වල අත්යවශ්ය නොවන සහ හදිසි නොවන සැත්කම් ප්රමාද කිරීමට තීරණයක් ගෙන තිබෙනවා.
කෙසේ වෙතත්, අත්යාවශ්ය හා හදිසි සැත්කම් සාමාන්ය පරිදි සිදුකරන බව යි සෞඛ්ය අමාත්යාංශය පවසන්නේ.
ඖෂධ සහ උපකරණ හිඟය හේතුවෙන් මෙම තීරණය ගෙන ඇතැයි සඳහන්.
හදිසි සැත්කම් සඳහා ප්රමුඛත්වය ලබා දෙන ලෙසට සහ රෝහල්වල හදිසි නොවන සැත්කම් ප්රමාද කරන ලෙසත් සෞඛ්ය අමාත්යාංශය උපදෙස් දී තිබෙනවා.
පවතින මූල්ය අර්බුදය මත රජයේ රෝහල්වල සිදුකරන සැත්කම් සඳහා අවශ්ය සායනික අමුද්රව්ය ගෙන්වීමේ ප්රමාදයක් පවතින බවයි සෞඛ්ය ඇමැති කෙහෙළිය රඹුක්වැල්ල පවසන්නේ.
එබැවින් විශේෂඥ වෛද්ය උපදෙස් මත අත්යවශ්ය සහ හදිසි සැත්කම් පමණක් සිදුකිරීමට කටයුතු කරන ලෙස සෞඛ්ය බලධාරීන්ට උපදෙස් දී තිබෙනවා.
ඒ අනුවයි අත්යවශ්ය නොවන සහ හදිසි නොවන සෙසු සැත්කම් සිදුකිරීම පමා කිරීමට පියවර ගන්නා ලෙස ඇමැතිවරයා උපදෙස් දී ඇත්තේ.
අනෙකුත් ශල්යකර්ම විශේෂඥ වෛද්යවරුන්ගේ උපදෙස් අනුව ක්රමානුකූලව සිදුකිරීමටයි සෞඛ්ය අමාත්යංශය තීරණය කර ඇත්තේ.
මේවනවිට රට තුළ හිගව පවතින ඖෂධ වලින් සියයට 75කින් පමණ තවත් මාසයක පමණ කාලයක් ඇතුළත මෙරටට ගෙන්වා ගැනීමට කටයුතු කර තිබෙනවා.
ඒ අනුව එම ඖෂධ තොග ලැබෙන තෙක් විශේෂඥ වෛද්යවරුන්ගේ උපදෙස් මත අත්යවශ්ය ශල්යකර්ම සඳහා ප්රමුඛතාව ලබාදී අනෙකුත් ශල්යකර්ම ක්රමානුකූලව සිදුකරන බව ද සෞඛ්ය අමාත්ය කෙහෙළිය රඹුක්වැල්ල සඳහන් කළා.
