රජයේ වී ගබඩා වෙත වී තොග ලබාදෙන ගොවීන්ට සහතික මිලට අමතරව වී කිලෝවක් සඳහා අමතර රුපියල් දෙකක මුදලක් ලබාදෙන බව කෘෂිකර්ම නියෝජ්‍ය අමාත්‍ය නාමල් කරුණාරත්න පවසනවා.
අද (18) දිනයේ ඇඹිලිපිටිය වී ගබඩා සංකීරණයේ නිරීක්ෂණ චාරිකාවකට එක් වූ අවස්ථාවේ මාධ්‍ය වෙත අදහස් දක්වමින් නියෝජ්‍ය අමාත්‍යවරයා මේ බව සඳහන් කළා.
මෙහිදී වැඩිදුරටත් අදහස් දක්වමින් ඔහු සඳහන් කළේ නිෂ්පාදන වියදමට තුනෙන් එකක් එකතු කර වී කිලෝවක් සඳහා සහතික මිලක් ලබාදෙන බවයි.
එමෙන්ම නිෂ්පදන පිරිවැය සැකසීමේ දී රජය විසින් ලබාදෙන පොහොර සහනාධාරය ගණනය කිරීමක් සිදුනොකරන බව ද නියෝජ්‍ය අමාත්‍යවරයා මෙහිදී සඳහන් කර සිටියා.
මේ අතර තවත් සති දෙකක් ඇතුළත සහල් ගැටලුව සම්පූරණයෙන්ම අවසන් කිරීමට බලාපොරොත්තු වන බව ඔහු පවසා සිටියා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
