කැස්බෑව – හල්පිට ප්රදේශයේ දී තරුණයෙකුට පහරදීමේ සිද්ධියක් සම්බන්ධයෙන් යුද හමුදා කර්නල්වරයෙකු අත්අඩංගුවට ගෙන ඇප මත මුදා හැර තිබෙනවා.
යුද හමුදා කර්නල්වරයා ගමන් ගත් මෝටර් රථයෙහි පැති කණ්ණාඩියෙහි තරුණයා ගමන් ගත් යතුරුපැදිය ගැටීමේ සිද්ධියක් සම්බන්ධයෙන් ඇති වූ ආරවුලක් පදනම් කර ගනිමිනුයි මෙම පහරදීම සිදු ව ඇත්තේ.
ඊයේ හල්පිට ප්රදේශයේ දී සිද්ධියට අදාළ ව චෝදනා එල්ල වී ඇති යුද හමුදා කර්නල්වරයා තරුණයා ගමන් ගත් යතුරුපැදිය පසුපස ගොස් නවතා මහමඟ ඔහුට පහර දී ඇති බවටයි වාර්තා වන්නේ.
එම අවස්ථාවේ දී යුද හමුදා කර්නල්වරයා විසින් තරුණයාට දැඩි ලෙස පහර දුන් බවට ප්රදේශවාසීන් විසින් එම ස්ථානයට පැමිණි පොලිස් නිලධාරීන්ට ප්රකාශ කර තිබෙනවා.
පසු ව කැස්බෑව පොලීසිය විසින් අදාළ යුද හමුදා කර්නල්වරයා අත්අඩංගුවට ගෙන ඇප මත මුදා හැර ඇත්තේ තරුණයා සමග ඇති කර ගත් එකඟතාවක් හේතුවෙන්.
තරුණයාට ප්රතිකාර කිරීමට අවශ්ය පහසුකම් ලබාදීමට ද කටයුතු කරන බවට යුද හමුදා කර්නල්වරයා විසින් පොලිස් නිලධාරීන්ට දැනුම් දී තිබෙනවා. පොලීසිය සඳහන් කළේ පසු ව සිදුකරන ලද පරීක්ෂණවල දී අනාවරණ වී ඇත්තේ පහර කෑ යතුරුපැදිය පැද වූ තරුණයාට රියදුරු බලපත්රයක් ද නො මැති බවට යි.
