ගාසා තීරයේ යුද ගැටුම් මධ්‍යයේ වුව ද ලෙබනනයේ කොලරාව රෝගය ශීඝ්‍රයෙන් ව්‍යාප්ත වෙමින් පවතින බැවින් එය වැළැක්වීමට ලෝක සෞඛ්‍ය සංවිධානය පියවර ගෙන තිබෙනවා.
WHO විශේෂ මාධ්‍ය නිවේදනයක් නිකුත් කරමින් කියා සිටියේ; පෙරේදා (16) දිනයේ දී ලෙබනන් මහජන සෞඛ්‍ය අමාත්‍යාංශය විසින් සිය රට තුළ කොලරා තත්ත්වයක් හිස එසවීමට පටන් ගෙන ඇති බවට දැනුම්දී ඇති බවයි.
2022 ඔක්තෝබර් සිට 2023 ජූනි දක්වා කොලරා රෝගීන් ලෙබනනයෙන් වාර්තා වුව ද, මේ වනවිට ඇති ව තිබෙන යුද ගැටුම් තීව්‍ර වීම හේතුවෙන් රෝගීන් වැඩි වශයෙන් වාර්තා වී ඇති බවයි ලෙබනනය දැනුම්දී ඇත්තේ.
යුද ගැටුම් හේතුවෙන් ලෙබනන් ප්‍රාන්තවල ජල දූෂණයක් ඇති වී තිබෙන බවත් එබැවින් මෙලෙස කොලරාව රෝගය පැතිර යාම වේගවත් වී ඇති බව ද වාර්තා වනවා.
“අපිරිසිදු ජලය සහ සනීපාරක්ෂක තත්ත්වයන් සහ වත්මන් යුද ගැටුමේ බලපෑම හේතුවෙන් ලෙබනනයේ කොලරාව වැනි බෝවන රෝග නැවත මතුවීමේ අවදානම පිළිබඳව ලෝක සෞඛ්‍ය සංවිධානය අනතුරු ඇඟවීමක් කරමින් සිටී..” යනුවෙන් ලෝක සෞඛ්‍ය සංවිධානයේ නියෝජිත ආචාර්ය අබ්දිනාසීර් අබුබකර් ප්‍රකාශ කර තිබෙනවා.
ලෙබනනයේ ගෙවුණු වසර දෙක තුළ කොලරාව හේතුවෙන් මරණ 23ක් සිදු ව ඇති අතර සැක සහිත රෝගීන් 8,007 ක් වාර්තා වී ඇති බවයි සඳහන් වන්නේ.
