ෆේස් බුක් ඔස්සේ සංවිධානය වී හොරණ කොළඹ මාර්ගයේ කුඹුක ප්‍රදේශයේ තරඟයට යතුරුපැදි ධාවනය කළ තරුණයන් 8 දෙනකු පොලිස් අත්අඩංගුවට ගෙන තිබෙනවා.
සැකකාර තරුණයන් කුඹුක සිට ගෝනපල දක්වා අපරික්ෂාකාරී ලෙස ඝෝෂාකාරී අන්දමින් යතුරුපැදි ධාවනය කරන බවට
පොලිසියට ලැබුණු තොරතුරක් අනුවයි සැකකරුවන් අත්අඩංගුවට ගෙන ඇත්තේ.
අදාළ යතුරු පැදිවලට විවිධ කොටස් එකතු කර ඉදිරිපස රෝදය එසවීමට හැකි ආකාරයෙන් සකස් කර තිබී ඇති බව සඳහන්.
පොලිස් භාරයට ගත් බහුතරයක් යතුරු පැදිවල ටයර් අධික ලෙස ගෙවී ඇති අතර ඇතැම් යතුරුපැදිවල පිටුපස ලියාපදිංචි අංක තහඩුව ද නොමැති බවයි පොලිසිය ප්‍රකාශ කර ඇත්තේ.
අත්අඩංගුවට ගත් සැකකරුවන් කළුතර, මොරන්තුඩුව සහ හොරණ ප්‍රදේශවල පදිංචිකරුවන්.
ඔවුන් හොරණ මහේස්ත්‍රාත් අධිකරණයටඉදිරිපත් කිරීමට නියමිතයි.
ඔබේ ප්‍රතිචාරය කුමක්ද ?
+1
+1
+1
2
+1
+1
+1
+1
1
