ඉන්දීය අග්රාමාත්ය නරේන්ද්ර මෝදි එළෙඹෙන ජුලි මාසයේ රුසියාවේ සංචාරය කිරීමට නියමිතව ඇති බව වාර්තා වනවා.
ඒ, අනුව ඉන්දීය අග්රාමාත්යවරයා ජුලි 08 වනදා රුසියාවට පැමිණීමට නියමිත බවයි ආරංචි මාර්ග සඳහන් කළේ.
වාර්ෂික සමුළු යාන්ත්රණය යටතේ රුසියානු ජනාධිපති ව්ලැඩිමීර් පුටින් සමඟ ඉන්දීය අග්රාමාත්යවරයා මෙහිදී ද්විපාර්ශ්වික සාකච්ඡා පැවැත්වීමට නියමිතයි.
මෝදිගේ රුසියානු රාජ්ය සංචාරය සඳහා සක්රීය සූදානමක් පවතින බව මොස්කව් හි ක්රෙම්ලිනයේ නිලධාරියෙකු ද තහවුරු කර තිබෙනවා.
පුටින් ජනාධිපතිවරයා මේ වසරේ මැයි මාසයේ දී අඛණ්ඩව පස්වැනි වරටත් රුසියාවේ ජනාධිපතිවරයා ලෙස දිවුරුම් දුන් අතර, නරේන්ද්ර මෝදි ද නොකඩවා තෙවැනි වරටත් ඉන්දියාවේ අග්රාමාත්යවරයා ලෙස ජුනි 09 වැනිදා දිවුරුම් දුන්නා.
අග්රාමාත්ය මෝදිගේ මෙම සංචාරය සිදු වුවහොත්, 2022 පෙබරවාරි මාසයේ දී රුසියාව විසින් යුක්රේනය ආක්රමණය කිරීම ආරම්භ කිරීමෙන් පසු මෝදිගේ පළමු රුසියාවේ සංචාරය වනු ඇති.
රුසියාවේ දිගුකාලීන මිත්රයෙකු වන ඉන්දියාව යුක්රේනය ආක්රමණය කිරීම පැහැදිලි හෙළා දැකීමෙන් ඈත් වී සිටිනවා.
අගමැති මෝදි සහ පුටින් අවසන් වරට 2022 සැප්තැම්බර් 16 දින උස්බෙකිස්තානයේ සමර්කන්ඩ් හිදී ෂැංහයි සහයෝගිතා සංවිධානයේ සමුළුවකට එක්වෙමින් ද්විපාර්ශ්වික සාකච්ඡා පවත්වනු ලැබුවා.
