මේ රට දරුවන්ට හොඳ රටක් බවට පත් කරනවා – අගමැතිනියගෙන් පොරොන්දුවක් (වීඩියෝ හා ඡායාරූප)

ශ්‍රී ලංකාව දරුවන්ට ජීවත් වීමට සුදුසු පරිසරයක් ඇති රාජ්‍යයක් බවට පත් කරන බව අග්‍රාමාත්‍ය ආචාර්‍ය හරිනි අමරසූරිය පවසනවා.

අග්‍රාමාත්‍යවරිය මේ බව පැවසුවේ අද (01) බත්තරමුල්ල – සුහුරුපායේ දී ලෝක ළමා දිනය සහ වැඩිහිටි දිනය වෙනුවෙන් පැවැත්වුණු උත්සවයට එක්වෙමින්.

මෙහිදි සමරු මුද්දරයක් ද නිකුත් කිරීම සිදු වුණා.

මේ අතර ලෝක ළමා දිනයට සමගාමී ව අග්‍රාමාත්‍යවරිය රිජ්වේ ආර්යා ළමා රෝහලේ නිරීක්ෂණ චාරිකාවක ද නිරත වූ බවයි අප වාර්තාකරු පැවසුවේ.

එහිදී අග්‍රාමාත්‍යවරිය රෝහල්ගත කර සිටින දරුවන් හට තෑගි ප්‍රදානය කිරීමේ අවස්ථාවකට ද එක් වෙමින් ඔවුන් සමග කතාබහක නිරත වූ බවයි වාර්තා වන්නේ.