මේ නිලධාරීන් සියළු දෙනාම ගෙවල්වලට පන්නන්න ඕනේ..
ජනවාරි මස 18 වැනිදා ගෙවීමට නියමිත ජාත්යන්තර ස්වෛරී බැඳුම්කර ණය වාරිකය වන ඇමෙරිකානු ඩොලර් මිලියන 500 ගෙවා දැමීමට කල් ඉල්ලා ගත යුතු බවයි බොහෝ දෙනෙකුගේ මතය වී තිබෙන්නේ.
විදේශ සංචිත හීන වීම නිසා මතුව ඇති දැවැන්ත ආර්ථික අර්බුදය හමුවේ රජය මේ මොහොතේ කල්පනා කළ යුත්තේ රට බේරාගැනීමද නැතිනම් රටට විදේශ ණය ලබා දුන් ණය හිමියන් බේරා ගැනීමද යන්න තෝරා ගත යුතු බවත් මේ මොහොතේ රජය කළ යුත්තේ ගෙවීමට නියමිත විදේශ ණය වේලාවට ගෙවනවා වෙනුවට රට තුළ පවතින විදේශ සංචිත අර්බුදය යාන්තමින් හෝ සමනය කර ගැනීම සඳහා ණය කල් දැමීම බවට මත පලවෙමින් තිබෙනවා.
මේ සම්බන්ධයෙන් අපි පාර්ලිමේන්තු මන්ත්රී අනුර ප්රියදර්ශන යාපාගෙන් විමසීමක් කළා.
ඔහු දැක්වූ අදහස්…
කාල සීමාවක් ගන්න ඒ ආයතනය හෝ රට සමග සාකච්ඡා කළ යුතුව තිබුණා..
මගේ තර්කය ණය ආපසු ගෙවීම සදහා ඒ රටවල් සමග කතා කරන්න ඕනේ..
ආසියානු සංවර්ධන බැංකුව, බැදුම්කර කල් පිරෙන මුල්ය ආයතන සමග සහ රටවල්වලින් අපි ලබාගත්ත ද්විපාර්ශවික ණය ආපසු ගෙවීම සඳහා කාලයක් ඉල්ලා සිටින එක නරක දෙයක් නෙවෙයි.
මේක තදින්ම රටට බලපානවා. කතා කරලා ණය ගෙවන්න කාලයක් ඉල්ලගන්න එක සාධාරණයි.
මහ බැංකුවේ, මුදල් අමාත්යාංශයේ නිලධාරීන්ගේ වගකීමක් මේක.
තමන්ගේ වගකීම ඉටු නොකර ආණ්ඩුව දණගහන තැනට මේ ප්රශ්නේ ගෙනාවනේ මේ නිලධාරීන් සියලු දෙනාම ගෙවල්වලට පන්නන්න ඕනේ.
