මෙසීගෙන් තවත් වාර්තාවක්

මෙවර පාපන්දු ලෝක කුසලානයේ ශූරයන් වූ ආජන්ටින් පාපන්දු කණ්ඩායමේ නායක මෙන්ම ජනප්‍රිය පාපන්දු ක්‍රීඩක ලියොනල් මෙසීගේ ඉන්ස්ටග්‍රෑම් ගිණුමේ පරිශීලකයන් (followers) සංඛ්‍යාව මිලියන 400 ඉක්මවා ගොස් තිබෙනවා.

මේවන විට එම ගිණුමේ followers සංඛ්‍යාව සටහන් වන්නේ මිලියන 401ක් වශයෙන්.

ලොව මෙතෙක් ඉන්ස්ටග්‍රැම් ගිණුමක වැඩිම පරිශීලකයන් සංඛ්‍යාවක් හිමිකර ගෙන සිටින්නේ පෘතුගාල පාපන්දු කණ්ඩායමේ ක්‍රිස්ටියානෝ රොනාල්ඩෝ යි.

ඔහුගේ ඉන්ස්ටග්‍රෑම් ගිණුමේ මේවන විට සිටින followers සංඛ්‍යාව මිලියන 518ක්.

එම වාර්තාවේ දෙවන ස්ථානයට පැමිණීමට සමත්වූ මෙසි පසුගිය ඉරිදා ලෝක කුසලානය ජයග්‍රහණයෙන් පසු කුසලානය අතැතිව ඉන්ස්ටග්‍රෑම් ගිණුමට එක් කළ ඡායාරූපයට පමණක් මිලියන 5ක පිරිසක් සිය කැමැත්ත පළකර තිබුණා.

එමෙන්ම පසුගිය දින 30ක කාලය තුල පමණක් ඔහුගේ ඉන්ස්ටග්‍රැම් ගිණුමට එක්වූ පරිශීලකයන් සංඛ්‍යාව මිලියන 20කට අධිකයි.

ලියොනල් මෙසී ප්‍රමුඛ ආර්ජන්ටිනාව ඉරිදා FIFA ලෝක කුසලානය ජයග්‍රහණය කිරීමට සමත් වුණා.

සමාජ මාධ්‍ය විශ්ලේෂණ වේදිකාවක් වන Social Blade ට අනුව Messi ඉරිදා අනුගාමිකයින් මිලියන පහක් සහ පසුගිය දින 30 තුළ මිලියන 20 ක් එක් කරගෙන තිබෙනවා.

මේ අතර පාපන්දු ලෝක කුසලාන අවසන් තරගයේදී ගූගල් සෙවුම් (Google Search) එහි ඉහළම තදබදය වාර්තා කිරීමට ද විශේෂත්වයක්.

එහි ප්‍රධාන විධායක නිලධාරී සුන්දර් පිචායි ට්විටර් සටහනක් නිකුත් කරමින් කියාසිටියේ පාපන්දු ලෝක කුසලාන අවසන් මහා තරගයට ස්තූතිවන්ත වන්නට වසර 25කට පසුව ගූගල් සෙවුම එහි ඉහළම තදබදය වාර්තා කළ බවයි.

“FIFAWorldCup හි අවසන් මහා තරගයේදී සෙවුම වසර 25කට පසු එහි ඉහළම ගමනාගමනය වාර්තා කළේය, එය මුළු ලෝකයම එක දෙයක් ගැන සොයමින් සිටියාක් මෙනි,” Google CEO සුන්දර් පිචායි ඉරිදා රාත්‍රියේ ට්වීට් කළා.