මෙරට සිදුවූ සියලුම ව්යසනයන්ට භෞතිකව සහ මානසිකව අතීතයේ සිට මුහුණ දුන් වින්දිතයින් සහ සාක්ෂිකාරයින් වූ පිරිස පොලිසිය බව පොලිස්පති ප්රියන්ත වීරසූරිය පවසනවා.
අයහපත් කාලගුණ තත්ත්වයට මුහුණ දී සිටියදීත් රාජකාරී කළ පොලිස් නිලධාරීන්ගේ දරුවන් වෙත පාසල් උපකරණ ලබාදීමේ වැඩසටහනකට කොළඹ නියෝජ්ය පොලිස්පති කාර්යාලයේ දී අද (19) එක්වෙමින් පොලිස්පතිවරයා මේ බව සඳහන් කළා.
රටක් ලෙස යළි ස්ථාවරව ගොඩඒමට මෙම ව්යසන අවස්ථාව හොඳම අවස්ථාව බවයි පොලිස්පතිවරයා මෙහිදී පැවසුවේ.
අයහපත් කාලගුණය හේතුවෙන් තම පවුලට සිදු වූ ව්යසනය පිළිබඳව සොයා නොබලා මහජනතාවට සිදුවූ ව්යසනය වෙනුවෙන් කැප වී කටයුතු කළ, අගයකළ යුතු පොලිස් නිලධාරීන් පිරිසක් සිටි බවයි ඔහු මෙහිදී වැඩිදුරටත් අදහස් දක්වමින් පැවසුවේ.
ඔබේ ප්රතිචාරය කුමක්ද ?
+1
+1
+1
+1
+1
+1
+1
