මෙරට තුළ අන්තර්ජාලය මූල්ය අපරාධ සිදුකිරීම යොදාගන්නා විද්යුත් සන්නිවේදන උපකරණ තොගයක් සමඟ විදෙස් ජාතිකයින් 09 දෙනෙකු කටුනායක ගුවන් තොටුපොළේ දී අත්අඩංගුවට ගෙන තිබෙනවා.
රුපියල් ලක්ෂ පහළොවක් පමණ වටිනා මෙම විද්යුත් සන්නිවේදන උපකරණ තොගය සමඟ අත්අඩංගුවට ගෙන ඇත්තේ ඉන්දුනීසියානු ජාතිකයින් පිරිසක්.
කටුනායක ගුවන්තොටුපොළ පැමිණීමේ පර්යන්තයේ දී ගුවන්තොටුපොළ රේගු නිලධාරීන් විසින් අද (02) අලුයම මෙම සැකකරුවන් පිරිස අත්අඩංගුවට ගෙන තිබෙනවා.
මොවුන් සිංගප්පූරුවේ සිට සිංගප්පූරු ගුවන් සේවයේ එස්.කිව් – 468 දරණ ගුවන් යානයෙන් අද (02) අලුයම 12.50ට පමණ මෙරටට පැමිණ තිබුණා.
සැකකාර ඉන්දුනීසියානු ජාතිකයින් රගනේ ආ ගමන් මලු තුළ සඟවා තිබිය දී මෙම විද්යුත් සන්නිවේදන උපකරණ තොගය සොයා ගැනීමට හැකිව තිබෙනවා.
ගුවන් තොටුපොළ රේගු නිලධාරීන්, ශ්රී ලංකා පොලිසියේ අදාළ අංශ සමඟ ඒකාබද්ධව මේ පිළිබද වැඩිදුර විමර්ශන කටයුතු සිදුකරනු ලබනවා.
