ජනාධිපති අනුර කුමාර දිසානායක මහතා අද (25) ජාතිය අමතමින් විශේෂ ප්‍රකාශයක් සිදු කළා.
මෙරට ගොඩනැගීම සාමූහික ප්‍රයත්නයක් බවත් එය මැනවින් ඉටු කිරීම සඳහා විශේෂ කණ්ඩායමක් තමන් වටා සිටිනා බවත් ජනාධිපතිවරයා මෙහිදී ප්‍රකාශ කර සිටියා.
සෑම ක්ෂේත්‍රයකටම ව්‍යුහාත්මක වෙනස්කම් කිරීමට පෙර ආර්ථිකය ස්ථාවර මට්ටමක් දක්වා ගොඩ නැගීමට කටයුතු කළ යුතු බවයි ජනපතිවරයා තවදුරටත් ප්‍රකාශ කර සිටියේ.
එහිදී දිගුකාලීන හා මධ්‍යකාලීන සැළසුම් ක්‍රියාත්මක කිරීමට පෙර අනුගමය කළ යුතු කඩිනම් ක්‍රියාමාර්ග ඔස්සේ, කෙටිකාලීන ස්ථාවරත්වයක් ඇති කර ගැනීමට කටයුතු කරන බවත් සඳහන් කර සිටියා.
ජාත්‍යාන්තර මූල්‍ය අරමුදල සමගින් කඩිනමින් සාකච්ඡා ආරම්භ කර විස්තීර ණය පහසුකමට අදාළ කටයුතු ඉදිරියට ගෙන යාමට කටයුතු කරන බවත් මෙහිදී ජනාදිපතිවරයා ප්‍රකාශ කර සිටියා.
ණය ප්‍රතිව්‍යුහගත කරන වැඩසටහන ඉදිරියට ගෙන යාන සඳහා අදාළ ණය පාර්ශව සමග සාකච්ඡාකර ඒ සම්බන්ධ කටයුතු හැකිමික්මනින් අවසන් කර අදාළ ණය සහන ලබා ගැනීමට කටයුතු කරන බවත් ජනාධිපතිවරයා මෙහිදී පෙන්වා දුන්නා.
