නිරිතදිග බෙංගාල බොක්ක ප්රදේශයේ පැවති අඩු පීඩන කලාපයය ඊයේ (නොවැම්බර් මස 25) මධ්යම රාත්රී පමණ වන විට ශ්රී ලංකාවට දකුණු දෙසින් පැවති අතර එය ඉදිරි පැය 30 තුළ පීඩන අවපාතයක් දක්වා වර්ධනය විය හැකි බවට කාලගුණ විද්යා දෙපාර්තමේන්තුව නිවේදනය කර තිබෙනවා.
මෙම පද්ධතියේ බලපෑම හේතුවෙන් දිවයිනේ වැසි සහ සුළං තත්ත්වයේ වැඩි වීමක් ඉදිරි දින කිහිපයේදීත් බලාපොරොත්තු වන බවයි කාලගුණ විද්යා දෙපාර්තමේන්තුව දැනුම් දෙනු ලබන්නේ.
කාලගුණ විද්යා දෙපාර්තමේන්තුව මගින් මේ සම්බන්ධව නිකුත් කරන ඉදිරි නිවේදන පිළිබද අවධානය යොමු කරන ලෙස එම දෙපාර්තමේන්තුව ජනතආගෙන් ඉලා සිටිනවා.
ඒ අනුව අද (26) දිනයේ දිවයිනේ බොහෝ ප්රදේශවල අහස වලාකුළින් බරව පවතිනු ඇති අතර දිවයිනේ බොහෝ ප්රදේශ වල විටින් විට වැසි හෝ ගිගුරුම් සහිත වැසි ඇති වනවා.
නැගෙනහිර, මධ්යම සහ ඌව පළාත්වලත් පොළොන්නරුව දිස්ත්රික්කයේත් ඇතැම් ස්ථාන වල මි.මී. 150 ට වැඩි ඉතා තද වැසි ඇති විය හැකි බවයි කාලගුණ නිවේදනයේ සඳහන් වන්නේ.
ඊට අමතරව දිවයිනේ සෙසු ප්රදේශවල ඇතැම් ස්ථාන වලට මි.මී. 100ට වැඩි තද වැසි ඇති විය හැකි බව කාලගුණ නිවේදනයේ සඳහන්.
උතුරු, උතුරුමැද, වයඹ, බස්නාහිර සහ නැගෙනහිර පළාත්වලත් හම්බන්තොට සහ මාතලේ දිස්ත්රික්කවලත් විටින් විට හමන පැයට කිලෝ මීටර් 50 ක පමණ තද සුළං ඇතිවිය හැකි අතර සෙසු ප්රදේශවලත් විටින් විට හමන පැ.කි.මී. 40 ක පමණ තරමක තද සුළං ඇතිවිය හැකි බව කාලගුණ නිවේදනයෙන් පෙන්වා දෙනවා.
තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස කාලගුණ දෙපාර්තමේන්තුව ජනතාවගෙන් කාරුණිකව ඉල්ලා සිටිනවා.
