2022 වසරේ අගෝස්තු මස 02 වනදා මුල්ලේරියාව රෝහල ආසන්නයේදී කොටිකාවත්ත මුල්ලේරියාව ප්රාදේශීය සභාවේ හිටපු උප සභාපතිවරයෙකු වෙඩි තබා ඝාතනය කිරීමේ සිද්ධිය සම්බන්ධයෙන් සැකකරුවෙක් අත්අඩංගුවට ගෙන තිබෙනවා.
මෙම අපරාධය සඳහා සැකකරුවන් පැමිණි යතුරුපැදියේ පැදිකරු ලෙස කටයුතු කළ සැකකරු මෙලෙස අත්අඩංගුවට ගෙන ඇති බවයි වාර්තා වුණේ.
සැකකරු ඊයේ (25) පෙරවරුවේ මාලඹේ පොලිස් වසමේ තලාහේන ප්රදේශයේ දී අයිස් මත්ද්රව්ය ග්රෑම් 05යි මිලිග්රෑම් 430ක් හා ව්යාජ විදේශ ගුවන් ගමන් බලපත්රයක් ද සමඟ අත්අඩංගුවට ගෙන තිබුණා.
බස්නාහිර පළාත දකුණ දිසා අපරාධ කොට්ඨාසය මඟින් අත්අඩංගුවට ගැනුණු සැකකරු වයස අවුරුදු 32ක තලාහේන ප්රදේශයේ පදිංචිකරුවෙක්.
සැකකරු සම්බන්ධව සිදුකළ වැඩිදුර විමර්ශනයේදී මොහුට කොළඹ මහාධිකරණයේ විභාග වන නඩු 02ක් සඳහා විවෘත වරෙන්තු නිකුත්ව ඇති බවට අනාවරණය වී තිබෙනවා.
බස්නාහිර පළාත දකුණ දිසා අපරාධ කොට්ඨාසය වැඩිදුර විමර්ශන සිදුකරනු ලබනවා.
